Konçesionari i karburanteve: Qeveria s'përmbushi kontratën

Kompania GFI që ka me konçesion markimin e karburanteve ka reaguar për herë të parë pas konfliktit me qeverinë shqiptare, i cili kulmoi me ndërprerjen e shërbimit. GFI njofton se u detyrua ta ndërpresë punën më datë 10 dhjetor për shkak të mospërmbushjes së detyrimeve kontraktuale nga ana e autoriteteve shqiptare, përkatësisht Ministrisë së Financave, si kontraktuese e konçesionit. Kompania koçnesionare bën me dije se, ndërprerja e punës nuk ishte aspak e beftë, pasi prej shumë muajsh ajo kishte vënë në dijeni dhe parlajmëruar Ministrinë e Financave se nuk po përmbushte detyrimet ligjore, pa marrë asnjë përgjigje.