Koncerti për Nënë Terezën në
Vatikan sot 19:30,ndiqet falas

Sot yjet shqiptare do të jenë bashkë në Vatikan, në vigjilje të kanonizimit të Nënë Terezës. Sopranoja shqiptare  Inva Mula do të interpretojë “Ave Maria” të Schubert. “Thais Meditation” i Massenet do të vijë nën tingujt e violinës së Shkëlzen Dolit.

Koncerti do të fillojë në orën 19:30 por të gjithë të interesuarit duhet të jenë të pranishëm në orën 18:00 para Bazilikës në mënyrë që të kryhen kontrollet. Ndonëse hyrja është falas duhet të rezervohen biletat. 
 
“Panis Angelicus” do të interpretohet nga sopranoja Ermonela Jaho.  “Fjalët e Qiririt”, të Limos Dizdarit, do të vijnë nga tenori Ramë Lahaj. Të pranishëm aty do të jenë edhe Lorik Cana për të recituar vargje të Nënë Terezës, e po ashtu Majlinda Kelmendi, Gëzim Myshketa, Lum Veseli, Andi Bajgora.

“What Child is This”, një ndër simbolet më të famshme të Krishlindjeve, do të interpretohet nga këngëtarja e famshme me origjinë nga Kosova, Rita Ora, nën orkestrimin e Shpëtim Saraçit.

Finalizimi do të jetë me himnin e madh të kompozitorit Genc Tukiçi, të titulluar “Vals hyjnor”, me vet vargje të murgeshës së të varfërve gjatë një udhëtimi nga Irlanda në Kalkutë.

Redaksia Online
(M.Ç/shqiptarja.com)