POP 5

Lajmet më të lexuara të 5 minutave të fundit

Politikë

Koncesioni i sterilizimit, Berisha: Beqaj fshehu vrasjen dhe zhduku gjurmët e krimit të vet! Thirrje të dëshpëruara për 'revolta'

Në këto ditë të nxehta vere, si çdo herë Sali Berisha kërkon çdo pretekst për të thirrur për të ngritur në ‘revoltë’ megjithëse e di shumë mirë se çdo ditë e më shumë është një minorancë e opozitës dhe marrja e pushtetit me dhunë i përket të shkuarës.

Koncesioni i sterilizimit, Berisha: Beqaj fshehu vrasjen dhe zhduku gjurmët e krimit të vet! Thirrje të dëshpëruara për 'revolta'

Në këto ditë të nxehta vere, si çdo herë Sali Berisha kërkon çdo pretekst për të ngritur në ‘revoltë’ megjithëse e di shumë mirë se çdo ditë e më shumë është një minorancë e opozitës dhe marrja e pushtetit me dhunë i përket të shkuarës.

‘Revoltat’ dhe ‘protestat’ mbeten si thirrje të dëshpëruara në platformën e tij sociale me qytetarin digjital pasi në realitet e di shumë mirë që të shumtë janë ata që e kanë braktisur dhe po e braktisin. Pas zgjedhjeve të 14 majit edhe zgjedhjet e Rrogozhinës ishin një tjetër test për humbjen e tij dhe të Ilir Metës në koalicionin "Bashkë Fitojmë"

Si nxitje këtë herë për revoltën, Berisha e kërkon tek dosja e koncesionarit të sterilizimit për të cilën në burg janë ish zv/ ministri i Shëndetësisë Klodian Repaj dhe biznesmeni Ilir Rrapaj ndërsa GJKKO i ka kërkuar SPAK të nisë hetimet dhe për ish ministrin Ilir Beqaj.

Në dosjen e SPAK thuhet se nuk kanë arritur të gjejnë kontratën origjinale dhe këtë Berisha akuzon Beqajn se po kërkon të zhdukë gjurmët e krimit.

“Kriminel me mandat ministri, anëtarë qeverie si Beqja, për të fshehur gjurmët e vjedhjeve të tij të tmerrshme, prej qindëra milionë euro me koncesionet e tij, ka zhdukur origjinalin e kontratës së sterilizimit. Zhdukja e origjinalit të kontratës së sterilizimit, por dhe kontratave të tjera nga kasaforta e ministrit, që e ka firmosur atë pasi gjendet se vetëm me sterilizimin ai ka vjedhë dhjetëra milionë euro, është një akt kriminal i shëmtuar, i ngjashëm me atë të një vrasësi, që për të fshehur vrasjen dhe zhdukur gjurmët e krimit të vet, djeg kufomën e viktimës së tij. Me zhdukjen e kontratës origjinale dhe zëvendësimin e saj me një kontratë të falsifikuar, Beqja kërkon të fsheh të gjitha klauzolat e kontratës, në të cilat është bazuar vjedhja e hapur e parave publike nga koncesionari i tij.“ shkruan Berisha.

Prandaj Berisha bën thirrje për protesta.

“Vetëm revolta qytetare e qëndrueshme gjerë në dëbimin nga pushteti të këtyre kriminelëve me mandat, është rruga e vetme e shpëtimit të çdo qytetari të ndershëm dhe Shqipërisë nga kthetrat e tyre” shkruan Berisha sot në facebook.

Nuk është hera e parë që Berisha bën thirrje për protesta në facebook. Edhe për dosjen e inceneratorëve ka bërë thirrje por duket që Berishës nuk ka kush ta mbështesë të dalë në shesh prandaj nuk cakton asnjë datë e këto mbeten vetëm thirrje online.

E ndërkohë SPAK vijon punën duke dërguar në gjykatë me dosje të kopsitura zyrtarët e përfshirë në afera dhe kryeministri Edi Rama ka deklaruar se nuk do ta pengojë në rrugën e vet, kudo ku ajo të hyjë, brenda qeverisë, rrotull, mbrapa apo nën ombrellën e saj. 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • asolingo: 20/08/2023 13:10

    O Sali trupeshku prape revolta kerkon? Te kan kuptuar te gjithe se kush je dhe sta var teneqene askush.

    Përgjigju
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Ndikimi i Trump në Shqipëri, Galdini: Presidenca e tij do u dalë shtrenjtë politikanëve tanë! SPAK do trokasë në dyert e tyre

Ndikimi i Trump në Shqipëri, Galdini: Presidenca e tij do u dalë shtrenjtë politikanëve tanë! SPAK do trokasë në dyert e tyre

14 Janar, 22:55