POP 5

Lajmet më të lexuara të 5 minutave të fundit

Ekonomi

Konfindustria apel Thaçit: Hiq
taksën për çementon tonë

Konfindustria shpreh shqetësimin për vendosjen e taksës së importit për “çementon” prej 35% të vendosur nga Ministria e Tregtisë dhe Industrisë së Kosovës.
Konfindustria apel Thaçit: Hiq<br />taksën për çementon tonë
TIRANE- Konfindustria shpreh shqetësimin për vendosjen e taksës së importit për “çementon” prej 35% të vendosur nga Ministria e Tregtisë dhe Industrisë së Kosovës.

Sipas drejtuesve të Konfindustrisë, taksat godet në mënyrë të drejtpërdrejtë dhe para së gjithash eksportin e mallit në fjale me çertificatë të origjinës të Shqipërisë.

Konfindustria i kërkon Kryeministrit Hashim Thaci, Qeverisë dhe vendimarrjes politike të të gjitha ngjyrave partiake të Kosovës, që në një kohë sa më të shpejtë të ndërhyjnë për heqjen e taksës së importit për “çementon” dhe njëkohësisht të mos lejojnë përsëritjen e masave të tilla me pasoja të dëmshme dhe në afatgjatë për zhvillimin e Kosovës, Shqipërisë dhe mirëqenien e gjithë shqiptarëve.

Në deklaratën shpërndarë mediave, Konfindustria vë në dukje se i njëjti qendrim institucional është mbajtur ndaj masave të Qeverisë së Shqipërisë në rastin e vendosjes dhe zbatimit të çmimit të referencës penguese për prodhimet bujqësore të Kosovës.

“Konfindustria i ka kërkuar personalisht dhe publikisht Kryeministrit të Shqipërisë për heqjen dhe mospërsëritjen në asnjë rast në të ardhmen të çfarëdo mase penguese për tregtinë ndërmjet Shqipërisë dhe Kosovës. Përdorimi i pengesave doganore në tregtinë ndërmjet Shqipërisë dhe Kosovës është krejtësisht i papranueshem dhe mjaft i dëmshëm para së gjithash për qëllimin strategjik të krijimit të Tregut të Përbashkët Mbarëshqiptar si domosdoshmëri për zhvillimin ekonomik dhe mirëqenien e shqiptarëve pa përjashtim. Aq më shumë krijimi i Tregut Mbarëshqiptar është i rëndësishëm në kushtet e krizës globale ku mbijetesa e industrive dhe prodhimeve vendore është e pamundur në tregjet e vogla sikurse është rasti i Shqipërisë dhe Kosovës”, thuhet në deklaratën e Konfindustrisë.

Sipas saj, masat penguese të tregtisë sidomos për prodhimet industriale janë në kundërshtim të plotë me marrëveshjen CEFTA për Tregti të Lirë ndërmjet vendeve të Europës Juglindore të nënshkruara nga Kosova dhe Shqipëria si dhe njëkohesisht jane barre financiare shtese e drejtperdrejte per biznesin dhe qytetaret.
(aq/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Dumani: Në filtër vendimet e Vetingut, me iniciativën tonë hetojmë gjyqtarët dhe prokurorët e shkarkuar! Në fokus dhe ata që janë në sistem, ka premisa që kryejnë akte korruptive

Dumani: Në filtër vendimet e Vetingut, me iniciativën tonë hetojmë gjyqtarët dhe prokurorët e shkarkuar! Në fokus dhe ata që janë në sistem, ka premisa që kryejnë akte korruptive

25 Nëntor, 10:48