POP 5

Lajmet më të lexuara të 5 minutave të fundit

Ekonomi

Konfindustria: Shqipëria të mos
dalë nga vendet e sigurta për biznes

Konfindustria, ka bërë thirrje që qeveria të marrë masa të jashtëzakonshme për moslejimin e daljes së Shqipërisë nga lista e vendeve të sigurta për biznes.
Konfindustria: Shqipëria të mos<br />dalë nga vendet e sigurta për biznes
TIRANË - Konfindustria, ka bërë thirrje që qeveria të marrë masa të jashtëzakonshme për moslejimin e daljes së Shqipërisë nga lista e vendeve të sigurta për biznes. Deklarata e Konfindustrisë, është bërë pas “problematikës shqetesuese e shfaqur së fundmi në përplasjet e ashpra konkurenciale, që shkojnë deri në cënimin e sigurisë së jetës”.
 
Në një deklaratë të saj, Konfindustria vlerëson se, “duhet të shqyrtohet në thellësi dhe sa më shpejt mënyra e ndërtimit dhe funksionimit të deritashëm të gjithë institucioneve shtetërore përgjegjëse për rregullimin e tregjeve, shmangien e dukurive monopol dhe konkurencën e lirë dhe të ndërshme ndeëmjet sipërmarrësve”.
 
“Fjala është për institucione të rëndësishme si Autoriteti i Konkurencës, Entet Rregullatore si dhe gjykatat, vendimet profesionale dhe në kohë të të cilëve kanë rëndësi parësore për qëllimin e mësipërm. Vendimet jocilesore në përmbajtje ose të vonuara në kohë për shkaqe të dobësive profesionale dhe/ose të korrupsionit të përfaqësuesve të institucioneve përgjegjese, mund të shërbejnë si shkak për operatorët e penalizuar për gjetjen e zgjidhjeve me mënyrat joligjore të papranueshme të vetgjyqësisë”, thuhet në deklaratën e bërë nga Konfindustria.
 
Me anë të deklaratës së saj, Konfindustria thotë se, “është e domosdoshme, që të kuptohet dhe të veprohet sa më shpejt nga vendimarrja politike, se mbajtja në afatgjatë e Shqipërisë në hartën e vendeve të sigurta për biznes, mund te arrihet vetëm me mirëfunksionimin e gjithë hallkave të sistemit shtetëror dhe në asnjë mënyrë vetem me masa policore”.
 
“Çdo veprim i kundërt dhe vonesë kohore në veprim do të sjellë pasoja të pallogaritshme të dëmshme për tërheqjen e investimeve dhe zhvillimin ekonomik të vendit. Përvoja e vendeve të zhvilluara demokratike të botës dhe BE-së flet qartë për sa më sipër”, thuhet në deklaratën e bërë nga Konfindustria.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

29 Nëntor, 15:28 nga Eliza Gjediku