Një nga rekordet që ka shkaktuar kongresi zgjedhor i socialistëve, është keqardhja apo gëzimi që ka shkaktuar tek kundërshtarët e tij politik.
Kjo është ndoshta hera e parë që ndodh në histori, kur partia opozitare përfshihet deri në detaje në hallet e një Kongresi partie në pushtet, në mandatin e tretë të tyre dhe drejt mandatit të katërt.
Reagimi i parë ishte i Belind Këlliçit, një prej figurave kryesore të PD, i cili ishte në qiell të shtatë, që sipas tij, Kongresi kishte varrosur Erion Veliajn. Kështu ai e quante heqjen e Taulant Ballës si shok të Veliajt, heqjen e Peleshit si shok të Veliajt, heqjen e Çuçit si njeri që mbrojti Veliajn etj.
Këtë ngjitjen e Spiropalit nuk e kishte komentuar, por me pak fantazi mund të gjente dhe aty ndonjë lidhje me Veliajn, po të ishte konsultuar.
Dhe ishte më i kënaqur se sa të fitonte vet Bashkinë e Tiranës, kur thoshte se këta të rinjtë që janë vënë, janë të Belindës. Sikur ishin të tijët gëzohej.
Pastaj dy- tre portale të Berishës që flirtojnë me sponsorë socialistë, zbërthenin mesazhet e Kongresit, kush po ngrihej, kush po ulej, kush po anashkalohej, kush po vlerësohej etj.
Të kishin bërë kaq punë për PD ndoshta do t’i kishin më mirë punët, por me sa duket meqë shumicën e pagesave e marrin nga PS për t’u dukur me PD, ishin të sinqertë në shkrimet e tyre.
Në fund, si për t’i vënë vulën, doli dhe Fatmir Mediu dhe kërkonte llogari pse nuk ka transparencë për shkarkimin e Taulant Ballës. Nuk ishte e qartë nëse donte të thoshte që e shkarkuat kot, apo duhet të thelloheni më tej në gabimet e tij, por dukej që atë kishte shqetësim kryesor.
Kur shikon gjithë këtë interes të partisë opozitare që ka mbetur rrugëve, se çfarë ndodh në Partinë Socialiste, kush forcohet e kush dobësohet, kë goditi Pleniumi i Tretë e kë do të godasë i katërti, dhe fakti që nuk e fshehin as gëzimin, as hidhërimin për njerëzit e tyre në PS, e kupton që gjëja më e rrezikshme që ka ndodhur, nuk është konformizmi i PS, por fakti që opozita më e madhe në vend jeton me emocionet dhe humoret e Edi Ramës brenda PS, si satelit i saj.
Ai më shumë ka gëzuar e mërzitur demokratët me ato që ka bërë, se sa socialistët. Duket qartë se një ditë pas kongresit, socialistët janë thjeshtë spektatorë, kurse këta të PD janë tifozët realë të Kongresit.
Dhe kjo është përgjegjësi e madhe, pasi tani “Qeveria Balluku nën drejtimin e Ramës”, duhet të kujdeset edhe për pushtetin, edhe opozitën.
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
