Konjufca i zhgënjyer nga reagimet e ndërkombëtarëve për situatën në veri të Kosovës: Duket sikur duan të amnistojnë Vuçiç-in

Kryetari i Kuvendit të Kosovës, Glauk Konjuca deklaroi këtë të hënë për mediat vendase se ndërkombëtarët nuk kishin pasur një reagim të fuqishëm ndaj Serbisë për tensionet në veri. Ai tha se me këtë qëndrim dukej sikur po përpiqeshin të amnistonin Vuçiçin.

“Deri tani nuk kemi parë një gjuhë dhe ndërhyrje të qartë të Bashkimit Evropian për me ndëshku këto veprime të paligjshme dhe antikushtetuese të Serbisë brenda Republikës së Kosovës. Nuk kam parë një reagim të furishëm të bashkësisë evropiane. Nuk ka një dënim të saktë dhe ndërlidhje të veprimeve që po ndodhin në veri të Kosovës, sikur po mundohen ta amnistojnë Vuçiqin. Asgjë nuk është spontane, që na vjen prej Serbisë. Është e orkestruar prej Beogradit e gjithë kjo që po ndodh”, tha Konjufca.

LEXO EDHE:
Rritet presioni ndaj Kosovës për themelimin e Asociacionit

 

Lajmi kryesor:

Serbia nuk tërhiqet, Vuçiç: Më 15 dhjetor kërkesë NATO-s të fusim ushtrinë në Kosovë! Borrell: BE-ja e gatshme të shtojë trupat e EULEX-it! Rama: Prishtina ka mbështetjen tonë

B.V/Shqiptarja.com

TAG:
• Glauk Konjufca
• tensione ne veri te kosoves