Konjufca pas takimit në LDK: Nuk ka kushte nga asnjëra palë, nuk folëm për ministri

Për gati dy orë ka zgjatur takimi i parë i grupeve të punës së Vetëvendosjes dhe LDK-së lidhur me marrëveshjen e koalicionit qeverisës, ku të dyja palët janë dakorduar lidhur me përmbajtjen dhe parimet e marrëveshjes për bashkëqeverisje.
Pas takimit i vetmi që u deklarua pas takimit ishte Glauk Konjufca nga LVV, i cili  tha se kanë folur për tema ekonomike, kryesisht për reformat e thella sektoriale që qeveria e re duhet të kryej.

Ai ka mohuar se është diskutuar për ndarje të ministrive, ndërsa ka mohuar gjithashtu edhe zërat se këto dy parti kanë kushte ndaj njëra tjetrës.

Konjufca tha se LVV nuk ka kushte për LDK, e sipas tij as LDK nuk ka kushte për ta për qeverisjen e ardhshme.

I pyetur se nëse koalicioni Nisma-AKR-PD e kalon pragun a do t'i ftojnë për koalicion, ai tha se për këtë temë nuk kanë folur.

Grupi punues i Vetëvendosjes përbëhej nga Besnik Bislimi, Glauk Konjufca, ndërsa ai i Lidhjes Demokratike të Kosovës përbëhej nga Avdullah Hoti dhe Lumir Abdixhiku.
Një takim i radhës i grupeve të punës të të dyja partive do të mbahet ditën e mërkurë. 

 

I.C./Shqiptarja.com
  • Sondazhi i ditës:

    Shkollat mbyllur nga koronavirusi/ A po funksionon mësimi online?

Komento

Komente

  • johani: 21/10/2019 20:29

    Dhe nese dikush mendon se kosova do te ndryshoi per te mire,une ju them se gabojne pasi kush nga keta kater eshte ekspert!!! Ne cilen lami kane specializuar keta kater "shpetimtar" te kosoves qe siq thot edhe komentuesi karadaku pos faktit se jane te te njejtes kombesi nuk kane asgje te perbashket,isha i mendimit se kosoves i duhet ndryshimi dhe te vetmin ndryeshim e shihja te VV por ama qe ti ulet ne preher isa mustafes qe deri para dy vitesh e quanin minister te millosheviqit vetem e vetem se skan ezgjidhje tjeter eshte deshperuese,pasi VV do te pendohet shum shpejt edhe per faktin se me femije te lazdruar apo te rritur rrugeve si bislimi e konjufca nuk mund te shkohet me larg se ne preher te isa mustafes dhe pas 7 muajsh do pjellin kopil qe do ti ngjaje vuqiqit,sheshelit apo edhe te tjereve,si mund qe Albin Kurti ta kete ne qeveri qiftin e gani gecit qe vret shqiptar edhe me femije per dore dhe shkon e strehohet ne serbi dhe nuk i futet asnje therre ne kembe,nderkohe qe serbia arreston edhe ata pak qytetar serb qe kane veshur uniformen e ushtrise se kosoves,prandaj kush pret diqka te mire nga kjo martese do te deshperohet.

    Përgjigju
  • Karadakliu: 20/10/2019 10:04

    Kjo loje artificiale politike per kualicion kontravez LVV dhe LDK,Vertet eshte vetem nje skene teatrale e shenderrua ne mizanskene.Keto dy subjekte asgje te perbashket,pervec perkatesise kombetare, nuk kane. Qefberja publike njeri-tjeterit eshte nje fasade, hi syve para opinionit

    Përgjigju