TIRANË- Ditën e sotme, në Kolegjin e Posaçëm të Apelimit, është zhvilluar seanca e fundit gjyqësore për fatin e Besnik Muçit, i emëruar disa ditë më parë nga Presidenti Ilir Meta anëtar i Gjykatës Kushtetuese, ndonëse ishte listuar i fundit me pikë nga Këshilli i Emërimeve në Drejtësi. Komisioneri Publik paraqiti dje në Kolegjin e Apelimit parashtrimet e fundit, duke kërkuar shkarkimin e Besnik Muçit nga detyra. Sipas dokumentit të siguruar nga Report Tv, Komisioneri Publik ka renditur katër arsye se pse anëtari i ri i Kushtetueses duhet të shkarkohet nga detyra. Konkretisht, sipas dokumentit me parashtrimet e fundit, Besnik Muçi dhe personat e lidhur dhe të tjerë të lidhur me të, nuk arrijnë të justifikojnë bindshëm burimin e ligjshëm të të ardhurave dhe të pasurive të deklaruara, të krijuara në vitet 2006 dhe 2016, ka mungesë burimesh financiare të ligjshme për të justifikuar shpenzimet dhe kursimet e deklaruara, gjendet në kushtet e mosdeklarimit të pasurisë dhe të deklarimit të pamjaftueshëm si dhe ka kryer deklarim të pamjaftueshëm për kriterin e kontrollit të pasurisë. “Bazuar në nenin F, pikat 3 dhe 7, të aneksit të Kushtetutës, dhe nenin 66, pika 1, shkronja “b”, të ligjit nr. 84/2016, kërkojmë, nga ana e Kolegjit të Posaçëm të Apelimit, të vendosë: Ndryshimin e vendimit nr. 58, datë 1.8.2018, të Komisionit të Pavarur të Kualifikimit, dhe shkarkimin nga detyra të subjektit të rivlerësimit, z. Besnik Muçi”, thuhet në dokument.
Komisioneri Publik thekson se me vendimin e ndërmjetëm, në seancën gjyqësore të datës 1.10.2019, Kolegji vendosi të administrojë si provë dhe t’ia nënshtrojë debatit gjyqësor të palëve, informacionin e përcjellë nga ana e DSIK-së. Lidhur me këtë fakt, ‘Komisioneri Publik i qëndron parashtrimeve të tij të datës 16.10.2019, pasi vlerëson se rrethanat dhe faktet e paraqitura në të, së bashku me provat dhe shpjegimet e subjektit, të administruara për këtë qëllim, në vështrim të nenit 4, pika 2, të ligjit nr. 84/2016, mund të shërbejnë në vlerësimin tërësor të çështjes”. Po çfarë përmban dokumenti i DSIK? Bëhet fjalë për disa persona të lidhur me Besnik Muçin, të cilët janë proceduar penalisht.
Për këtë informacion, Komisioneri Publik, në një dokument të datës 16 tetor 2019, thekson se “Konstatojmë se personat e tjerë të lidhur me subjektin, të proceduar penalisht për veprat penale të përmendura në këtë informacion, nuk përmbushin kushtet për t’u cilësuar si persona të përfshirë në krimin e organizuar e, për rrjedhojë, të ndikojnë në mënyrë të drejtpërdrejtë, e të vetme, në vlerësimin e kriterit të figurës për subjektin e rivlerësimit, sipas kushteve dhe kritereve të përcaktuar në nenin DH, të aneksit të Kushtetutës. Por Komisioneri Publik çmon se ky informacion, në konsideratë të raportit dhe të marrëdhënieve të pranuara edhe nga vetë subjekti i rivlerësimit, gjatë hetimit administrativ të Komisionit, sikurse dhe nga rrethanat e dala nga vlerësimi i kriterit për kontrollin e pasurisë, ku provohet se subjekti ka pasur marrëdhënie interesi dhe pasuror me personin tjetër të lidhur, që rezulton i proceduar penalisht, shtetasi *.*, sikurse deklaron dhe në deklaratën Vetting, detyrim ndaj këtij shtetasi në vlerën 21.000 euro, mund të shërbejë si rrethanë dhe argument se subjekti i rivlerësimit mund të vihet lehtësisht nën presionin e strukturave kriminale, në referim të nenit 37, germa “c”, të ligjit nr. 84/2016”.
Trupi gjykues i kryesuar nga Sokol Çomo, me relator Ardian Hajdari dhe anëtarë Albana Shtylla, Rezarta Schuetz dhe Natasha Mulaj, do të shpallë ditën e enjte, më datë 21.11.2019, ora 11:00, vendimin për fatin e Besnik Muçit.
(Kliko këtu për të lexuar parashtrimet përfundimtare e komisionerit pubik për Besnik Muçin)
Komente
Lajme të tjera
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Pse priti deri në fund Berisha, çfarë shpresonte?
22 Nëntor, 13:08
-
Gjykata Kushtetuese i rrëzoi ankimin, Berisha e sulmon: Trupë puçiste, vendimi pjesë e grushtit të shtetit! Njofton 26 nëntorin si protestën e radhës
22 Nëntor, 13:01 -
Vettingu/ Mbyllet rivlerësimi në KPK, në ‘filtër’ 805 magjistratët! Vetëm 373 u konfirmuan të ndershëm, qytetarët ndihmuan drejtësinë me rreth 6700 denoncime (SHIFRAT)
22 Nëntor, 12:05
-
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02 -
Dosja 'Partizani'/ Gjykata Kushtetuese rrëzon Berishën dhe legjitimon SPAK: 'Për detyrimin me paraqitje' nuk nevojitej autorizimi i Kuvendit! 'Ndalimi jashtë shtetit' i panevojshëm! Masa 'arrest shtëpiak' shqyrtohet në seancë tjetër (VENDIMI)
21 Nëntor, 19:10 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
KPA lë në fuqi shkarkimin e prokurorit të Lushnjës Artan Hazbi
20 Nëntor, 10:51 -
Afera ‘Partizani’/ Berisha kërkon shfuqizimin e masës së sigurisë, mbyllet shqyrtimi në Kushtetuese! Pritet vendimi në ditët në vijim
19 Nëntor, 13:17 -
Kuvendi debat për vrasjen e 14-vjeçarit, Zhupa: Manastirliu të dorëhiqet, ku e çuat 'Paketën e Sigurisë' në shkolla? Balla: Mos bëni politikë, na jepni votat ta miratojmë! PD 1 minutë heshtje pa PS
19 Nëntor, 07:25 -
Përplasja Kushtetuese/ Komisioni i Venecias nis misionin fakt-mbledhës për çështjen Xhaçka! 4 grupet parlamentare dëgjohen online, opinioni jepet në mes dhjetorit
18 Nëntor, 14:00
Jo më kot kok lopa e "zgjodhi" për nē kushtetuese edhe pse ja dinte "biografinë"! Lëvizje mafioze! Mundësitë qē ky muqi të kalojē apelin janë tē pakta, dhe vonesa nē kohë ështē qēllimi pēr tē penguar gjykatën kushtetuese, por edhe nē rast se kalon, ashtu me cene dhe brk nëpër kēmbë muqi do jet ushtar i bindur i mafias në gjykatēn kryesore tē vendit.
PërgjigjuShikoni se çfar tipash vë hajduti me çizme iliri me bllok nëdor. Ky do vetën njerëz të implikuar me krimin e me të shkuar tëerët siç është vet. Po faijn kryesor e ka ps populli Shqiptar ja dha votën që ti shkatronte e ti qëronte tipa të till nga drejtësia. E ilirin me bll9k në dor ta çonte te 7 penxheret qenin. Po mut iliri e kak edi.
Përgjigju