POP 5

Lajmet më të lexuara të 5 minutave të fundit

Ekonomi

Konkurrenca, hetim rritjes
abuzive të çmimit të duhanit

Dyshimi se tregtarët kanë abuzuar me çmimin e duhanit e cigareve, duke e rritur atë më shumë se sa u rrit me ligj akciza, ka vënë në lëvizje Autoritetin e Konkurrencës, duke hapur procedurën e hetimit paraprak në tregun e duhanit dhe cigareve të paketuara; përfshin periudhën 1 janar 2013-14 janar 2014. Cmimi rezulton më i rritur se ç ishte rritja e akcizës.
TIRANE - Dyshimi se tregtarët kanë abuzuar me çmimin e duhanit e cigareve, duke e rritur atë më shumë se sa u rrit me ligj akciza, ka vënë në lëvizje Autoritetin e Konkurrencës. Në një njoftim të tij, ky institucion bëri me dije se ka vendosur hapjen e procedurës së hetimit paraprak në tregun përkatës të duhanit dhe cigareve të paketuara. Hetimi paraprak do të përfshijë periudhën kohore nga 1 janar 2013 deri më 14 janar 2014.

Spekulimi
Sipas Konkurrencës, gjatë muajve të fundit ka patur një shqetësim publik në rritje mbi rritjen e çmimit të duhanit dhe cigareve të paketuara në një masë më të madhe sesa akcizat e rritura(24 lekë bashkë me TVSH) me miratimin e Paketës Fiskale që hyri në fuqi me datë 1 janar 2014. Madje në klientët ka patur një shqetësim se rritja e çmimit të cigareve kishte filluar përpara se të hynte në fuqi paketa fiskale, duke krijuar dyshime për spekulim të pastër.

Statistikat zyrtare tregojnë se gjatë muajit dhjetor 2013, në Shqipëri u importuan rreth 246 ton cigare më shumë, krahasuar me të njëjtën periudhë të një viti më parë. Ky produkt fillimisht depozitohet nëpër magazina dhe pas një farë periudhe ai del në treg; ky është momenti kur për këtë mall paguhet akciza.
Akciza e duhanit është rritur me 20 lekë në fillim të këtij muaji, pasi aktualisht po tregtohen produktet e importit që në vend kanë hyrë gjatë vitit 2013.

Marrëveshja
Nga monitorimi i tregut të duhanit dhe cigareve të paketuara në nivelet e shitjes me shumicë dhe pakicë, rezulton se ka patur rritje të çmimeve thuajse nga të gjithë shoqëritë aktive në tregun përkatës, përpara hyrjes në fuqi të paketës fiskale që ndryshoi akcizën e këtij produkti.

Trasmetimi i akcizës dhe TVSH-së te konsumatori final është i pritshëm për karakteristikat e këtij produkti dhe ndryshimit të barrës fiskale, por Autoriteti i Konkurrencës do të vlerësojë nivelin e konkurrencës në treg nëse ka kufizime, shtrembërime apo pengime të konkurrencës si pasojë e sjelljes së një ose disa konkurrentëve në treg në formën e abuzimit të mundshëm me pozitën dominuese(të përbashkët të disa ndërmarrjeve) dhe/ose marrëveshjeve të ndaluara për fiksim të çmimeve.

Shkrimi u publikua sot (10.04.2014) në gazetën Shqiptarja.com (print)

Redaksia Online
(d.a/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Dëmtimi i rëndë, Armando Brojës iu dha oksigjen në fushë! Trajneri: Duket keq, kemi shpresa

VIDEO/ Dëmtimi i rëndë, Armando Brojës iu dha oksigjen në fushë! Trajneri: Duket keq, kemi shpresa

10 Janar, 08:43