POP 5

Lajmet më të lexuara të 5 minutave të fundit

Ekonomi

Konkurrenca:Tregu i vajit vegjetal
çmime të rritura artificialisht

Autoriteti i Konkurrencës njoftoi se, në bazë të një ankese mbi rritjen e çmimit të vajit vegjetal në treg, ka hapur procedurë të hetimit paraprak në tregun e importit, prodhimit dhe tregtimit me shumicë të vajit vegjetal, pasi ka konstatuar se nga aktorët në treg ka pasur kufizim të konkurrencës, duke rritur artificialisht çmimet e këtij produkti
Konkurrenca:Tregu i vajit vegjetal <br />çmime të rritura artificialisht
TIRANE - Autoriteti i Konkurrencës njoftoi se, në bazë të një ankese mbi rritjen e çmimit të vajit vegjetal në treg, ka hapur procedurë të hetimit paraprak në tregun e importit, prodhimit dhe tregtimit me shumicë të vajit vegjetal, pasi ka konstatuar se nga aktorët në treg ka pasur kufizim të konkurrencës, duke rritur artificialisht çmimet e këtij produkti. Sjellja e ndërmarrjeve që ushtrojnë veprimtari në tregun e prodhimit/importit dhe shitjes me shumicë të vajit vegjetal, mund të përbëjë kufizim, shtrembërim apo pengim të konkurrencës.

Sipas monitorimit të tregut të bërë nga Autoriteti i Konkurrencës, oferta për vaj vegjetal në tregun shqiptar sigurohet nga importi i vajit të rafinuar dhe nga prodhimi në vend i vajit vegjetal (rafinimi i vajit të papërpunuar të importuar). Nga analiza e të dhënave të Drejtorisë së Përgjithshme të Doganave mbi importet e vajit vegjetal ka rezultuar se tregu i importit të vajit vegjetal është shumë i përqëndruar me një tregues HHI prej 2769. Shkalla e përqëndrimit ka ardhur duke u rritur nga 1746 në vitin 2010, në 2406.89 në vitin 2011 dhe në 2769 në 8 tetëmujorin (janar-gusht) 2012. Në tregun e prodhimit të vajit vegjetal operojnë vetëm dy ndërmarrje, “Olim” sh.a dhe “Vajra Bimore” sh.a. Këto dy ndërmarrje importojnë vajin e papërpunuar, të cilin pasi e përpunojnë e hedhin në tregun e shitjes me shumicë. Treguesit e përqendrimit në këtë treg janë shume të lartë për vetë faktin se janë vetëm dy ndërmarrje prodhuese. Gjatë viteve 2011- 2012 vihet re një ndryshim i strukturës së këtij tregu, ku ndërmarrja “Olim” gjatë 8-mujorit (janar-gusht) 2012 arrin në pjesën e tregut që kishte ndërmarrja “Vajra Bimore” në vitin 2011, konkretisht mbi 60% të tregut të prodhimit vendas, si dhe e kundërta, ndërmarrja “Vajra Bimore” gjatë 8-mujorit (janar-gusht) 2012 arrin në pjesën e tregut që kishte ndërmarrja “Olim” në vitin 2011, konkretisht mbi 39% të tregut.

Tregu i shitjes me shumicë përfshin si ofertën nga ndërmarrjet prodhuese ashtu edhe ndërmarrjet importuese të vajit vegjetal. Në këtë treg vihet re një rritje e indeksit të përqëndrimit (nga 1697.34 në vitin 2011, në 1808 për 8-mujorit (janar-gusht) 2012). Gjithashtu në vitin 2012 edhe treguesi CR3 është rritur nga 63 në 68% duke shkuar në të njëjtën linjë me rritjen e HHI.

Nga analiza e çmimeve të paraqitura në ankesë si dhe të rezultuara nga monitorimi u konstatua se: ka marzhe të njëjta të rritjes së çmimit në afate të përafërta kohore; rritja e çmimit njoftohet më përpara në kohë se të ndodhe realisht kjo rritje; është vënë re mungesë oferte për një periudhë të shkurtër dhe furnizimi me çmime të rritura pas kësaj periudhe; rritja e çmimit të vajit vegjetal është reflektuar në tregun e shitjes me pakicë.

Çmimet e shitjes me shumice nuk kanë reflektuar në kohë zbritjet dhe kanë reaguar menjëherë ndaj rritjes së çmimeve të blerjes në tregjet ndërkombëtare.
Sa më lart, sjellja e ndërmarrjeve që ushtrojnë veprimtari në tregun e prodhimit/importit dhe shitjes me shumicë të vajit vegjetal, mund të përbëjë kufizim, shtrembërim apo pengim të konkurrencës, ka konstatuar Autoriteti.
Periudha e hetimit do të jetë janar-tetor 2012.

(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Trump: Akuzat penale ndaj meje ishin rrëmbim politik, demokratët shpërdoruan taksat e amerikanëve për të goditur

Trump: Akuzat penale ndaj meje ishin rrëmbim politik, demokratët shpërdoruan taksat e amerikanëve për të goditur

25 Nëntor, 22:17