Kontroll të gjithë nxënësve
përfshirë shëndetin dhe drogën

Një urdhër i Ministrisë së Arsimit detyron të gjitha shkollat që të plotësojnë një pyetësor në bashkëpunim me prindërit për të gjithë nxënësit. Ky kontroll konsiston tek shëndeti i fëmijëve por edhe në përdorimin e ndonjë medikamenti tjetër. Sipas urdhërit të MAS kontrolli i parë është bërë në muajin shtator, ndërkohë që do të ripërsëritet në muajin shkurt.

“Të plotësohet, në bashkepunim me prindërit, pyetësori i shëndetit të nxëndsit, pjesë e platformës së edukimit fizik në arsimin parauniversitar dhe të shënohen rastet nëse ka pasur prani të patologjive, si: asma, diabeti, alergjitë, operacione të mundëshme kirurgjikale, si edhe perdorimi i ndonjë lloj medikamenti, nga ana e nxënësit. Të organizohen në terren, matjet e parametrave fiziko-atletike, për nxënësit e arsimit parauniversitar, mosha 6-18 vjec, sipas përmbajtjes së kartelës individuale të nxënësit, pjesë e platformds së edukimit fizik në arsimin parauniversitar shqiptar”, - thuhet në udhëzim.

Bazuar mbi matjen e parametrave fiziko-atletike: Shpejtësisë, forcës, zhdërvjelltësise, fleksibilitetit të kolonës vertebrale e të gjymtyrëve, kordinimit të lëvizjeve, qëndrueshmërisë organike dhe matjeve antropometrike e të dhënave të pyetësorit të shëndetit të nxënësit, të bëhet vlersimi i karakteristikave metabolike, strukturore, funksionale, e si rrjedhojë:
-Të dokumentohet dhe menaxhohet gjendja e shëndetesore e çdo nxënësi.

-Të evidentohet dhe dokumentohet niveli i parametrave fiziko-atletike të çdo nxënësi.

-Në kartelën individuale, mësuesi të shënojë edhe aktivitetin fizik ose disiplinën sportive që dëshiron të ushtrojë nxënësi.

-Të krijohen ekipet e zgjedhura të shkollës, për çdo grupmoshë, nëpër disiplinat e ndryshme sportive.

-Matjete e ketyre parametrave, të kryhen në fillim të simestrit të parë, simestrit të dytë dhe në fundin e vitit mësimor. Rezultatet dhe datat e matjeve, të shënohen në kartelën individuale të çdo nxënësi.

-Të zbatohet komunikimi mësues - prind - nxënës, në përputhje me pyetësorin e shëndetit të nxënësit, në mënyrë që të mbahet nën kontroll e të menaxhohet shëndeti dhe mbarëvajtja në mësim e çdo nxenesi.

Drejtoria e çdo shkolle të evidentoje ecurinë vjetore të cilësive fiziko-lëvizore të grupmoshave: 6-10 vjeç; 11-14 vjeç: 15-18 vjeç dhe të hartojë relacionin vjetor, për dinamikën lëvizore të këtyre grupmoshave, të cilat i arshivon në shkolle dhe një kopje e dorëzon në Drejtorinë Arsimore Rajonale. Drejtoria e shkollës të kontrollojë çdo ditë zhvillimin e orës së edukimit fizik si dhe të verifikojë mënyrën e zhvillimit të matjeve të përcaktuara në kartelën individuale të nxënësit.

Drejtoria e shkollës, giatë zhvillimit të orëve të mësimit të edukimit fizik, të marrë masat e duhura, për te zbatuar rigorozisht: masat e sigurimit teknik; higjeno-sanitare, për ruajtjen e shëndetit të nxënësve, perfshirë edhe masat për rastet kur nevojitet ndërhyrja e urgjencës mjeksore.

Drejtoria e shkollës, duke u bazuar në zhvillimin e orëve të mësimit të edukimit fizik dhe në dinamiken e plotësimit të kartelave të testeve individuale, bën në fund të vitit shkollor, vlerësimin e cilësisë së punës për çdo mësues të edukimit fizik, të cilën e dorëzon në Drejtorinë Arsimore Rajonale.

Redaksia Online
Al.N/Shqiptarja.com