Kopenhagen, burg kush nget skuterin në gjendje të dehur, arrestohen 24 persona

Policia e Kopenhagen ka ndaluar qindra njerëz për ngasjen në gjendje të dehur të skuterave elektrik në rrugë

Njoftimi zyrtar i policisë bën të ditur se janë arrestuar 24 persona që kishin konsumuar alkool dhe 4 të tjerë si konsumues droge.

Operacioni i policisë së kryeqytetit danez vjen në një kohë kur shumë metropole në Europë po kërkojnë të limitojnë apo vendosin rregulla të qarta të qarkullimit të skuterave

Në Danimarkë, autoriteti për sigurinë në komunikacion ka nisur një periudhë prove duke paralajmëruar përdoruesit e skuterave për të lëvizur në rrugë të përshtatshme dhe ka vendosur një kufi konsumi alkooli prej 0.5g / kg, njësoj si për automjetet.

Çdokush që gjendet përtej këtij pragu do të gjobitet deri në 268 euro.

Në rastin e shkeljeve të përsëritura, gjoba rritet në 536 euro dhe nëse shkelja ripërsëritet, parashikohet burg.

Rasti i parë i vdekjes që lidhet me një skuter elektrik daton në gusht të vitit 2018, në Spanjë.

TAG:
• Kopenhagen
• Danimarke
• Skuter elektrik