KORÇË – Një aksident me vdekje ndodhi rreth orës 02:00 të mëngjësit në fshatin Zvezde. Një automjet që drejtohej nga Fation Sulokoka doli nga rruga dhe për pasojë humbi jetën drejtuesi i mjetit.

Sipas informacioneve paraprake, viktima u dërgua në spital nga të afërmit e tij në gjendje të rëndë, por për shkak të gjendjes së rënduar shëndetësore nuk arriti të mbijetonte.

Nga hetimet e para, viktima nga fshati Shëngjergj i Korçës mendohet se humbi kontrollin e makinës duke dalë nga rruga dhe u përplas me një mur.

Megjithatë pritet ekspertiza përfundimtare e policisë për të mësuar shkaqet e aksidentit që shkaktoi një viktimë. 


(v.gj/shqiptarja.com)