Në rafte gjen veshje artizanale, çanta dhe aksesorë të punuara me dore, ndërsa ngjyrat e fijeve, copat e qëndisura krijojnë një atmosferë unike.

Në këtë hapësirë te vogel prane baneses, artizanja Bruna Zguro ka rihapur atelienë e saj në Korçë pas 40 vitesh.

Veprimtaria e Brunës ka nisur me qëndistari dhe punime tradicionale për shtëpinë, ndërsa vitet e fundit është orientuar drejt veshjeve dhe aksesorëve, duke iu përshtatur kërkesave të tregut.

Një pjesë e produkteve realizohen tërësisht me dorë, ndërsa disa të tjera përshtaten dhe transformohen përmes ndërhyrjeve artistike, duke marrë një identitet të ri.

Bruna Zguro është prej vitesh e angazhuar në ruajtjen e trashëgimisë kulturore. Ajo drejton shoqatën "Arti në duart e gruas".

Zguro punon edhe me fëmijë dhe të rinj, duke u mësuar teknikat e punimeve të dorës. Sipas saj, interesi është më i lartë te fëmijët deri në moshën 11–12 vjeç.

Pavarësisht sfidave, Bruna Zguro vijon të promovojë artizanatin si një pasuri të trashëgimisë kulturore shqiptare, me synimin që kjo mjeshtëri të vazhdojë të trashëgohet edhe nga brezat e rinj.

lajm në përditësim...