KORÇË- Një 51-vjeçare ka ndërruar jetë pasi ka marrë mjekim në spitalin e Korçës. Sipas informacioneve, gruaja është paraqitur rreth orës 04:00 të mëngjesit në urgjencën e spitalit pasi ka patur hemorragji. Bashkëshorti i 51-vjeçares, Edmond Saliçe thotë se në spital i është bërë një gjilpërë dhe më pas është dërguar në banesën e saj.
Ai thotë se sot në mëngjes e kanë gjetur 51-vjeçaren të vdekur, ndërsa ngre akuza ndaj bluzave të bardha për neglizhencë. Sipas Saliçes, mjekët nuk i kanë dhënë asnjë shpjegim, por i kanë thënë se Albana Saliçes i vjen erë e keqe në gojë dhe mund të ketë pirë detergjent. Por, bashkëshorti saj mi mohon kategorikisht këto akuza, duke theksuar se një gjë e tillë nuk mund të ndodhë.
Report Tv ka mësuar se mjeku që i ka dhënë mjekim 51-vjeçares është shefi i urgjencës Çelnik Fetallari.
“Bashkëshortja erdhi në orën 3 e 15, ne kemi marrë në telefon 127 na u përgjigjën sepse shtëpinë e kemi këtu afër, erdhëm në spital ndenjëm deri në orën 5, i beri doktori një gjilpërë dhe na thotë është anemike, nga zemra nuk ka asgjë EKG-ja i doli mirë. Ikni në shtëpi, vajtëm në shtëpi na zuri pak gjumi, ngrihem në mëngjes e pyes si je s’po më përgjigjej, lajmërova komshien, lajmërova këta, ardhëm këtu, as emrin e doktorit, asnjë gjë, na thonë vetëm i bie goja erë të keqe mos ka pirë detergjent, që nuk bën vaki asnjëherë në botë.
Kishte shqetësime gjinekologjike për të cilat po mjekohej. Kurën e vazhdonte normalisht ishte shumë mirë, pas bërjes së gjilpërës këtu… nuk ja di emrin mjekut. U regjistrua në kartelë në shërbimin e urgjencës. Skam bërë akoma denoncim, të vijë mjeku ligjor edhe do ti vazhdoj veprimet e mëtejshme. Nga gjilpëra ajo ishte për bukuri të zotit. Në orën 5 shkuam në shtëpi në 8 të mbarojë, ai le ta mbante këtu mos e çonte në shtëpi”, shprehet bashkëshortit.
Policia është duke punuar për sqarimin e rrethanave të kësaj ngjarje.
Ndërkohë është zbardhur edhe dëshmia e mjekut Celnik Fetallari i cili ndoqi rastin e viktimës në urgjencën e spitalit Rajonal të Korçës. Sipas mjekut gruaja është paraqitur në urgjencë në gjendje jo të mirë shëndetësore dhe për këtë arsye i është nënshtruar një kontrolli dhe më pas është dëguar në shtëpi.
Pak orë pas vdekjes së 51 vjeçares nga Korça, Albana Salice, është zbardhur edhe dëshmia e mjekut Celnik Fetallari i cili ndoqi rastin e viktimës në urgjencën e spitalit Rajonal të Korçës. Sipas mjekut gruaja është paraqitur në urgjencë në gjendje jo të mirë shëndetësore dhe për këtë arsye i është nënshtruar një kontrolli.
"51 vjeçarja u paraqit në urgjencë me dhimbje gjoksi, pasi e kontrolluam dhe EKG i doli mirë, gruaja është dërguar në banesën e saj".- ka thënë mjeku.
Ndërkohë pas akuzave të familjarëve dhe kërkesës së tyre për ekspertizën mjekoligjore priten rezultatet për të hedhur dritë mbi vdekjen e 51 vjeçares.
Lajme të tjera
-
E rëndë në Maliq, mjeti bujqësor përmbyset në rrugën e Moglicës, vdes 61-vjeçari që drejtonte zetorin (EMRI)
25 Nëntor, 19:18 -
Ersekë/ Flakët shkrumbojnë magazinën me bazë ushqimore, 2 zjarrfikëse në vendngjarje për të shmangur përhapjen e vatrës në banesa (FOTOT)
24 Nëntor, 19:15 -
Udhëtim mes dy kohëve, veprat e realizmit socialist shfaqen në Korçë përmes projeksioneve digjitale
23 Nëntor, 17:01
-
Korça 'mbulohet' nga bora! Disa fshatra pa energji elektrike
23 Nëntor, 12:42 -
Maliq/ Zjarri shkrumbon banesën, shkak dyshohet shkëndija elektrike! Dëme të shumta materiale, s’ka të lënduar
21 Nëntor, 18:26 -
Korçë, 13 vjeçari shkon në shkollë me biçak, ia gjejnë në çantë
21 Nëntor, 12:01 -
Korçë/ Sherr mes fëmijëve në Bulgarec gjatë lojës së futbollit! 12 vjeçari goditet me gur dhe përfundon në spital
19 Nëntor, 16:32 -
Nis puna për rilindjen e Muzeut Arkeologjik të Korçës, restaurim total i godinës, pa prishur vlerat historike
19 Nëntor, 15:53 -
Sot dita ndërkombëtare e të drejtave të fëmijëve/ Të rinjtë marshojnë në Maliq: Na mbroni
19 Nëntor, 15:35 -
I gjetën 56 kg kanabis në kamion, policia arreston babë e bir në Kapshticë! Po e transportonin drejt Turqisë (EMRAT)
19 Nëntor, 09:41 -
Fotografët grekë të “False mirror” turne fotografik në rrugicat e Korçës
18 Nëntor, 16:56
-
Bora e parë zbardh Korçën, të huajt dynden drejt Dardhës, Voskopojës dhe Vithkuqit! Turisti nga Brazili: Vij çdo vit për ski
17 Nëntor, 15:57
