26-vjeçari Gentian Beshiraj nga Cërriku, ka humbur kontrollin e drejtimit të mjetit me targa greke PIT 6379, me të cilin udhëtonte, dhe makina nga shpejtësia ka dalë nga rruga, e më pas është përplasur me barrierat duke përfunduar në një parcelë.
Si pasojë ka humbur jetën 26-vjeçari, ndërsa ka mbetur i plagosur daja i tij, Ismail Gjini, që udhëtonte me të.
I plagosuri është dërguar menjëherë në spitalin e Korçës, për të marrë ndihmën e parë mjekësore.
Në vendin e ngjarjes kanë mbërritur zjarrfikësja për të nxjerrë trupin e viktimës, si dhe forcat e policisë së Korçës, të cilët po punojnë për zbardhjen e plotë të rrethanave të ngjarjes.
Redaksia Online
(e.s/shqiptarja.com)