KORCE- Dy persona janë plagosur me armë zjarri në fshatin Denas të Korçës. Policia bën të ditur se të plagosurit janë Ylli Hasanllari, 30 vjeç dhe Xhafer Hysenllatanji, të cilët ndodhen në gjendje kritike për jetën.

Policia është njoftuar nga vetë kryeplaku i fshatit. Nuk dihen ende shkaqet e plagosjes, apo dhe autori. Mësohet se është kërkuar ndihmë për trasnportimin e tyre me helikopter, pasi fshati Denas është në një zonë të thellë dhe dëbora e bën të pamundur transportimin e trupave me automjet.