Korçë/ Prefekti mbledh shtabin e emergjencave: Shtëpitë rrezikojnë shembjen, banorët do flenë në çadra

Prefekti Dhori Spirollari ka mbledhur shtabin e emergjencës pas situatës së krijuar nga tërmetet e njëpasnjëshme që prekën Korçën përgjatë ditës së sotme.

Sipas prefektit banorët nuk do lejohen të hyjnë në banesa e tyre, pasi një pjesë e tyre janë kthyer në të pabanueshme.

"Bashkia e Korçës të marrë masa për ujin e pijshëm. Nëse do na duhen vullnetarë, rinia korcare të na vijë në ndihmë", deklaroi prefekti.

Banorët do të sistemohen nëpër çadra,  ndërkohë që do shpërndahen ushqime në fshatrat Floq, Qafzezë dhe Vidohovë.Kompanitë private, gjithashtu janë ofruar paketa ushqimore.

Drejtori i Përgjithshëm i emergjencave civile Haki Cako dhe zv. ministri Petro Koçi janë nisur drejt Korçës. 

Lajmi kryesor:

Tërmeti/ Vijojnë lëkundjet në qarkun e Korçës, mbi 100 shtëpi të dëmtuara, 90 banorë e kalojnë natën në çadra (VIDEO)

TAG:
• Korce
• termet
• termetet ne korce