Dy persona kanë rënë në prangat e policisë së Korçës, pasi në bashkëpunim me njëri-tjetrin shpërndanin doza heroine.
 
Siç raporton policia e qytetit jug-lindor, pas operacionit të koduar “Banesa”, janë sekuestruar 13 doza heroine ku janë kapur: Armando Hysenllari, 30-vjeç  dhe  Rando Duka 26-vjeç.
 
Arrestimi i tyre u bë pasi, nga informacione të siguruara në rrugë operative,  Armando Hysenllari shpërndante dhe posedonte ( në banesën e tij në lagjen nr 5) lëndë narkotike të llojit Heroinë dhe gjatë kontrollit trupor të tij iu gjetën dhe sekuestruan 13 doza me mbështjellje alumini, me lëndë të dyshuar narkotike të llojit  Heroinë.
 
Në banesën e tij, u gjet dhe Rando Duka bashkëpuntor me të.
 
Redaksia Online
(F.T/shqiptarja.com)