Korçë, vdes në maternitet
lehona, shpëton foshnja
Policia e Korçës nisi hetimet për të zbardhur shkaqet e vdekjes së gruas me banim në Symiz, në fshatin mes Maliqit dhe qytetit të Korçës. Mjekët: E reja pësoi hemoragji cerebrale, gjatë lindjes.
KORÇE- Një 22 vjeçare humbi jetën një orë pasi solli në jetën djalin e saj në maternitetin e Korçës. Nga të dhënat e para mësohet se e reja, e identifikuar si Erjola Dinoshi ndërroi jetë në orët e para të mëngjesit të sotëm, ndërsa fëmija gëzon shëndet të plotë.
Sipas mjekëve gruaja pësoi hemoragji cerebrale, gjatë lindjes. Pavarësisht se i është dhënë ndihma me gjak dhe serum, gruaja nuk ka mundur të mbijetojë.
Drejtoria e Spitalit të Korçës zhvilloi një mbledhje urgjente me mjekët dhe nga të dhënat paraprake raportohet se shkak për vdekjen e 22 vjeçares mendohet të jetë hemoragjia nga uterusi (rrugët e lindjes), ose hemoragjia cerebrale, pak çaste para lindjes. Ndërsa trupi i 22 vjeçares do i nënshtrohet ekspertizës mjekoligjore për të përcaktuar dhe shkaqet e sakta të vdekjes.
Policia e Korçës nisi hetimet për të zbardhur shkaqet e vdekjes së gruas me banim në Symiz, në fshatin mes Maliqit dhe qytetit të Korçës. Familjarët deklaruan se e reja kishte mbërritur në maternitet rreth orës 05:00 të ditës së sotme.
Celik Prrenjasi, babai i vajzës deklaroi në një prononcim për mediat se “Mjekët I kishin thënë se nuk kishin arritur ti ndalonin hemoragjinë”.
Do të jetë ekspertiza mjeko ligjore e cila do të përcaktojë nëse 22 vjeçarja ka vdekur nga pakujdesia e mjekëve apo nga ndonjë komplikacion gjatë lindjes.
Përgjegjësi i Shtëpisë së Lindjes, Gjergji Gjata, konfirmoi për ATSH-në se pacientes që humbi jetën mëngjesin e sotëm nuk i ka munguar për asnjë çast shërbimi dhe ndihma e dhënë nga bluzat e bardha dhe vdekja e 21 vjeçares Erjola Dinosha mendohet të ketë ardhur për shkaqe natyrale.
Ky nuk është rasti i parë i vdekjeve në maternitetin e Korçës. Në qershor të 2011 humbi jetën Fatbardha Aliko, e cila vdiq 10 ditë pas një ndërhyrjeje kirurgjikale në mitër. Familjarët akuzuan mjekët për pakujdesi, por sipas ekspertizës gruaja gjeti vdekjen nga një trompozë. Në shtator prokuroria pushoi hetimin për mjekim të pakujdesshëm ndaj 4 mjekëve të maternietit të Korçës, njëri prej tyre gjinekologu Gjergj Gjata.
(sg/shqiptarja.com)
Sondazhi i ditës:
Sa përcaktuese do jetë vota e emigrantëve në zgjedhjet e 2025-ës?
-
Shumë
26.3%
-
Pak
40.4%
-
Aspak
33.4%
Vota total: 1375
Votat totale janë unike
Lajme të tjera
-
Sherr me thika mes dy të rinjve në Pogradec, një i plagosur! Arrestohet 24-vjeçari
27 Korrik, 22:41
-
Politika s’ka moral, por kjo jona s’ka edhe logjikë
27 Korrik, 22:36
-
'Më kapi për fyti ...', shqiptarja denoncon ish-bashkëshortin grek në polici
27 Korrik, 22:35
-
Skënder Minxhozi: Kompromisi më i çuditshëm, mbaje qeverinë, më ler shef të opozitës
27 Korrik, 22:30
-
Rikthehet Festivali i Porto Palermos, 12 netë magjike në kalanë e ‘Ali Pashës’! Olen Cesari flet për Report Tv: Promovojmë Shqipërinë në botë
27 Korrik, 22:13
-
Zjarri në Shëngjin, Report Tv sjell pamjet me dron
27 Korrik, 22:02
-
A jeni dakord me 2/3 e listës së deputetëve të hapur dhe 1/3 e mbyllur? Ja si u votua në sondazhin e Shqiptarja.com
27 Korrik, 21:55
-
Lojërat Olimpike në Francë, flamuri i eventit u ngrit përmbys! Ngatërrohet Koreja e Jugut me të Veriut
27 Korrik, 21:35
-
Fusha e mbetjeve 3 ditë në flakë, protestë para Bashkisë së Vlorës: Duam Turizëm
27 Korrik, 21:24
-
Skandali/ Në Lojërat Olimpike, Shqipëria çoi një flamur imitim kinez! Luiza Gega s’do ta kisha mbajtur! Zhupa: E turpshme!
27 Korrik, 21:20
-
Sherr në restorantin në Vlorë, i mituri godet me thikë 38-vjeçarin me probleme të shëndetit mendor
27 Korrik, 21:11
-
Mero Baze: Intervista e Ahmetajt si zhurmuese e pazarit për Kodin e zgjedhjeve
27 Korrik, 21:09