KORÇË- Një 50-vjeçare ka humbur jetën mbrëmjen e kësaj të mërkure në qytetin e Korçës në rrethana ende të paqarta.

Burime për Report Tv bëjnë me dije se 50-vjeçarja vuante nga diabeti prej kohësh, e ndërsa kishte shfaqur probleme të frymëmarrjes gjatë shtrimit në spital, simptomë kjo e cila ka vënë në lëvizje mjekët e spitalit nëse bëhet fjalë për një rast me Coronavirus. Përgjigjet e analizave që prite të dalin ditën e nesërme do të japin një përgjigje të qartë mbi motivet e 50-vjeçares.

1583356830_koronavirus.jpg

Spitali i Korçës ku ka ndërruar jetë 50-vjeçarja

Ndërkohë që ky rast i dyshimtë ka bërë që spitali rajonal i Korçës së bashku me stafin mjekësor të marrin masat, edhe pse ende nuk ka asgjë zyrtare. Nga informacionet paraprake, mësohet se 50-vjeçarja nuk kishte udhëtuar së fundmi jashtë vendit, por nuk dihet nëse ka pasur kontakte me persona që vinin nga vende të prekura nga ky virus.