Koreja e Veriut: 800 mijë të rinj janë regjistruar për të luftuar si vullnetarë kundër imperialistëve amerikanë

Koreja e Veriut pretendon se rreth 800,000 të rinj kanë dalë vullnetarë për shërbimin ushtarak për të luftuar kundër Shteteve të Bashkuara dhe armiqve të tjerë.

Vullnetarët duke premtuar se do të “mposhtin armiqtë e Koresë së Veriut dhe do të bashkojnë dy Koretë u regjistruan në ushtri duke mbajtur rradhë për të shkruar emrin e tyre.

Rreth 800,000 studentë dhe punëtorë, të cilësuar si “pararoja rinore” e vendit , pranuan menjëherë për t'iu bashkuar luftës për të mbrojtur atdheun.

Sipas raportit të NK Neës, thuhet se të rinjtë vullnetarë po i përgjigjeshin akteve provokuese të SHBA-së dhe Koresë së Jugut, të përmendur në raportin e gazetës si "imperialistë amerikanë" të vendosur për të shkatërruar pavarësinë dhe të drejtën për të jetuar dhe për t’u zhvilluar të Koresë së Veriut.

Regjistrimi masiv të premten erdhi një ditë pasi Koreja e Veriut lëshoi një raketë balistike ndërkontinentale Hwasong-17 (ICBM), e cila u ul pranë detit të Japonisë.

Koreja e Veriut tha se nisi Hëasong-17 në përgjigje të stërvitjeve ushtarake “provokative dhe agresive” që po zhvillohen midis SHBA-së dhe Koresë së Jugut. Pheniani i konsideron stërvitjet e përbashkëta si një provë të Uashingtonit dhe Seulit për një pushtim të Veriut.

B.V/Shqiptarja.com

TAG:
• kim jong un
• Koreja e veriut