POP 5

Lajmet më të lexuara të 5 minutave të fundit

Bota

Koreja e Veriut zotohet se do të rrisë arsenalin bërthamor

Lideri koreanoverior, Kim Jong-un ka mbajtur një fjalim sfidues gjatë paradës ushtarake të hënën në mbrëmje, duke u zotuar se do të rrisë arsenalin bërthamor të shtetit. Kjo paradë, e cila është mbajtur për të shënuar themelimin e forcave të armatosura, ka vënë në pah edhe raketat e ndaluara balistike.

Koreja e Veriut zotohet se do të rrisë arsenalin bërthamor

Kim Jon Un

Lideri koreanoverior, Kim Jong-un ka mbajtur një fjalim sfidues gjatë paradës ushtarake të hënën në mbrëmje, duke u zotuar se do të rrisë arsenalin bërthamor të shtetit. Kjo paradë, e cila është mbajtur për të shënuar themelimin e forcave të armatosura, ka vënë në pah edhe raketat e ndaluara balistike.

Në muajin mars, Koreja Veriore ka testuar raketën e saj më të madhe balistike. Viti 2017 ka qenë hera e fundit kur koreanoveriorët kanë bërë diçka të tillë. Ky veprim është dënuar ashpër nga komuniteti ndërkombëtar.

Shtetet e Bashkuara kanë vendosur një mori sanksionesh ndaj Koresë së Veriut pas këtij testimi. Raketat balistike kanë kapacitet për të bartur koka bërthamore dhe të arrijnë të distanca shumë të largëta.

Përgjatë paradës janë parë edhe raketa balistike që nisen nga nëndetëset, si dhe raketa hipersonike. Pavarësisht sanksioneve, lideri koreano verior ka vazhduar strategjinë e tij.

“Ne do të vazhdojmë të marrim hapa për të forcuar dhe për të zhvilluar kapacitetet bërthamore të shtetit me shpejtësi të madhe”, ka thënë ai, duke shtuar se forcat bërthamore “duhet të jenë gati” për t’u stërvitur në çdo kohë, ka raportuar agjencia shtetërore e lajmeve në Korenë Veriore, KCNA.

Sipas Kimit, armët bërthamore të Koresë Veriore janë të krijuara për mbrojtje kundër luftës, mirëpo mund të përdoren edhe për çështje tjera, duke i vënë theksin deklaratës së mëparshme se ky shtet do të përgjigjet në rast se sulmohet.

Më 2018, Kim Jong-un ka zbatuar një moratorium për raketat balistike me rreze të gjatë veprimi, si dhe për testet bërthamore, pas bisedimeve që ka zhvilluar me ish-presidentin amerikan, Donald Trump.

Mirëpo, më 2020, Kim ka njoftuar se nuk do të zbatojë më atë premtim. Administrata e presidentit amerikan, Joe Biden, ka thënë vazhdimisht se është e gatshme të rinisë bisedimet, pa parakushte, mirëpo Koreja Veriore ka treguar pak interesim, duke kërkuar që fillimisht të hiqen sanksionet./ Marrë nga REL

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça