POP 5

Lajmet më të lexuara të 5 minutave të fundit

Kronikë

Shkatërrohet grupi i trafikut të drogës në Korfuz, 8 në pranga! Në kërkim drejtuesi i shqiptar! Prej korrikut 2021 trafikonte drogë nga Shqipëria

Policia e Korfuzit ka goditur një grup kriminal që trafikonte drogë nga Shqipëria drejt ishullit grek dhe më pas e shpërndante atë, duke arrestuar 8 persona mes të cilëve dy prej drejtuesve të grupit.

Shkatërrohet grupi i trafikut të drogës në Korfuz, 8 në pranga! Në kërkim drejtuesi i shqiptar! Prej korrikut 2021 trafikonte drogë nga Shqipëria

Kanabisi i sekuestruar

GREQI- Policia e Korfuzit ka goditur një grup kriminal që trafikonte drogë nga Shqipëria. 8 persona kanë rënë në pranga, mes tyre tre shqiptarë, ndërsa është shpallur në kërkim edhe një prej drejtuesit e bandës që është me origjinë shqiptare. Ky i fundit bashkëpunonte për veprimtarinë e grupit me një grek i cili aktualisht ndodhet në grup dhe bashkë me shqiptarin drejtonin trafikun e drogës. Gjithashtu autoritetet greke kanë vënë nën hetim 20 persona që blenë drogën nga ky grup.

Ky grup kriminal ka filluar të funksionojë prej muajit korrik 2021. Këtij grupi në 2 korrik 2021 i janë sekuestruar 3.6 kg marijuanë, në 1 qershor 2022 i janë sekuestruar 2.8 kg marijuanë, në 29 qershor 2022 i janë sekuestruar 4.7 kg marijuanë, në 1 shtator 2022 i janë sekuestruar 4.4 kg marijuanë dhe në 27 tetor i janë sekuestruar 3.4 kg marijuanë.

Kreu i grupit është një shtetas shqiptar 34-vjeç me banim të përhershëm jashtë Greqisë, i cili furnizonte grupin me drogë. Dy nëndrejtuesit e grupit, 54 vjeç dhe 77 vjeç me origjinë greke, u arrestuan një ditë më parë. Drejtuesi i grupit ishte përgjegjës për trafikun e drogës nga Shqipëria në Korfuz si dhe udhëzonte dy grekët për shpërndarjen e drogës.

Gjatë kontrolleve ditën e djeshme janë gjetur dhe sekuestruar 567 gram marijuanë, 2 peshore elektronike, 3970 euro, 1 motor, 1 makinë, 6 celularë. Sasia totale e marijuanës së trafikuar, nga aktiviteti kriminal i grupit në periudhën në shqyrtim, nga korriku 2021 deri në asgjësimin e tij, arrin në të paktën 30 kilogramë, nga të cilat 19 kilogramë janë konfiskuar ndërsa përfitimi financiar total llogaritet të kalojë 180.000 euro.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça