Kodi i Ri Zgjedhor/ Pëllumbi: Plotësuam kërkesën e dy opozitave, PS s'mori asgjë! Duka me ironi: Më jepni një shami të qaj (VIDEO)

Për Sekretarin Organizativ të PS-së, Arben Pëllumbi tha se me ndryshimet në Kodin Zgjedhor janë plotësuar kërkesat e opozitës parlamentare dhe asaj të re, dhe sipas tij nga ajo marrëveshje PS-ja nuk ka marrë asgjë. Ai shtoi se nuk është shkelur marrëveshja e 5 qershorit, por mazhoranca ka shkuar përtej saj me plotësimin me disa pika.

"Tani paskemi bërë disa kompromise që i kem bërë disa koncesione për të qenë në politikë nesër. Të gjitha forcat politik të dalë në terren dhe të marrë atë që i takon, përfaqësimin e vet, të mos i marrë nga këto vota që vijnë nga partia came, që në listën e atij burri të mos jenë edhe ai edhe ai tjetri, lufto për të rritur votat e tuaja me program. Kjo ka qenë filozofia e kësaj gjëje. Të gjitha sistemet që kemi pasur deri tani janë të gjitha demokratike, por mënyra si e kemi zbatuar s'ka qenë e saktë. Më që në çdo palë zgjedhjesh, humbësi ka bredhur gjithë Evropën, OSBE-ODIHR tha implementoni këto që themi ne. Komisioni parlamentar duhet të dilte me një draft dhe ta sillte në Parlament. Murrizi nga 5 kërkesa mori 3, po ne si PS ça morëm. Marrëveshje e 5 qershorit ishin të gjitha kërkesat e opozitës. Ne tentojmë të shkojmë drejt Europës dhe aty ka disa rregulla. Këto marrëveshje kanë një dysheme, në bëmë atë që deshi opozita, siç e deshën atje dhe e votuam në parlament, i qëndruam pikë për pikë, tani nëse duam të shkojmë mbi këtë marrëveshje, ku është këtu mosqënia i ndershëm. 3 e gjysmë u shmang opozita, dhe pastaj në 6 muaj nuk bënë asgjë. "Këto mos i prekni, këto jo dhe po mos bëtë kështu si themi ne jeni të pandershëm", na thonin këta", tha Pëllumbi.

Kësaj deklarate, iu përgjigj me ironi kryetari i Partisë Agrare Ambientaliste, Agron Duka.

"Më jep një shami dhe të qajmë hallin që kanë këto. Të më thonë se mund të japë nga vetja ime, që këto që jenë më mirë. Unë personalisht u jap ça duan këto", tha Duka me ironi.

Lajmi kryesor:

Miratimi i Kodit të ri Zgjedhor, Duka: Opozita e bashkuar duhet të reagonte më ashpër, të shkonte deri në protesta! Pëllumbi: PS-ja nuk mori asgjë

B.K./b.ha./Shqiptarja.com

TAG:
• repolitix
• agron duka
• kodi zgjedhor