Koronavirusi/ Basha thirrje qeverisë: Shpall gjendjen e jashtëzakonshme në të gjithë vendin, mbyll fasonet dhe call center- at

Kreu i PD-së Lulzim Basha i ka bërë thirrje qeverisë që të shpall gjendjen e jashtëzakonshme në të gjithë vendin si dhe të urdhërojë mbylljen e të gjithë bizneseve me dendësi të madhe punonjësish, si call centerat apo fasoneritë.

“Të dashur qytetarë!

Sot është koha që të gjithë të bashku të bëjmë cfarë të mundemi për të ndaluar koronavirusin. Të gjithë kemi një armë të fuqishme në duart tona dhe ky është distancimi social. Përmes ruajtjes së rregullave të distancës edhe kur ne dalim nga shtëpia për të kryer nevojat e domosdoshme të ditës, ne mund dhe do ta ngadalësojmë virusin.

Nga ana tjetër dua t’i bëj thirrje qeverisë të shpallë gjendjen e fatkeqësisë natyrore në të gjithë territorin e Republikës së Shqipërisë.

Dua po kështu ti bëj thirrje qeverisë të urdhërojë mbylljen e të gjithë bizneseve me dendësi të madhe punonjësish në ambiente të mbyllura, siç janë fasoneritë, call centerat apo të tjera fabrika prodhimi ku afërsia fizike e punonjësve përbën një rrezik të pashmangshëm për transmetimin e viriusit dhe kthimin e tyre në bartës dhe të infektuar të virozës”, ka thënë Basha.

Basha po ashtu iu ka bërë thirrje qytetarëve të zbatojnë rregullat e vendosura dhe të qëndrojnë të izoluar për të kaluar këtë të keqe. Ndërsa, i ka kërkuar edhe njëherë qeverisë të marrë masa për të mbështetur qytetarët gjatë kësaj kohë të izolimit .

“Jam i vetëdijshëm se kjo sakrificë e madhe që iu kërkohet qytetarëve ka nevojë për një mbështetje të madhe, ndaj dua të përsërisë thirrjen time ndaj qeverisë. Të mos vonojë detajimin e paketës së ndihmës që ka shpallur dhe të bëjë gati një paketë tjetër sepse kjo është qartësishtë e pamjaftueshme. Të gjithë ata që do të detyrohen të qëndrojnë në shtëpi për shkak të mbylljes së biznesit apo për shkak të mbylljes së bizneseve ku janë punëmarrës duhet të marrin pagën e mjaftueshme për të vijuar minimumin jetik dhe kjo është një përgjegjësi shtetërore”, ka thënë Basha.

Të dashur bashkëqytetar!

Sot është dita të qëndrojmë krah për krahë njeri-tjetrit përballë kësaj të keqe të madhe. E di që shumë prej jush keni hasur në veshtirësi të jashtëzakonshme materiale, fizike, shpirtërore dhe psikologjike  gjatë kohës që keni qenë në karantinën e vetë-imponuar gjatë kësaj virozë, po e keqja do të kalojë. Në dorën tonë është që ta bëjmë të kalojë me një faturë sa më të vogël për jetët njerëzore dhe shëndetin e të afërmëve tanë. E keqja do të kaloj dhe ne do të shikojmë pas dhe në dorën tonë është të themi: “Bëm atë që duhet, ashtu siç duhet dhe shpëtuam jetë, apo të jetojmë me keqardhjen se nuk bëm sa duhet dhe nuk shpëtuam dot aq shumë jetë sa duhet.”

Nga ana tjetër jam i vetëdijshëm se kjo sakrificë e madhe që iu kërkohet ju ka nevojë për një mbështetje të madhe, ndaj dua të përsërisë thirrjen time ndaj qeverisë. Të mos vonojë detajimin e paketës së ndihmës që ka shpallur dhe të bëjë gati një paketë tjetër sepse kjo është qartësishtë e pamjaftueshme. Të gjithë ata që do të detyrohen të qëndrojnë në shtëpi për shkak të mbylljes së biznesit apo për shkak të mbylljes së bizneseve ku janë punëmarrës duhet të marrin pagën e mjaftueshme për të vijuar minimumin jetik dhe kjo është një përgjegjësi shtetërore.

Ndaj thirrja ime është të që menjëherë të ndërpritet çdo shpenzim dhe çdo transferim tjetër nga thesari dhe të gjitha paratë e taksapaguesve shqiptar të shkojnë për nevojhat e shqiptarëve.

Këto janë kohrat më të vështira që kemi kaluar por kam bindjen se me të njejtë forcë që na ka karakterizuar gjatë gjithë historisë tonë, me besimin në Zot dhe mbështetjen tek njeri tjetri do ta kalojmë këtë të keqe.... dhe do të jemi më të afruar dhe të bashkuar se para kësaj epidemie.

Lus qeverinë që menjëherë hapat e shpallur t’i detajoj dhe t’i bëjë efektive për t’iu ardhur në ndihmë njerëzve në nevojë. Menjëherë të shpallë gjendjen e emergjencës në të gjithë vendin dhe të urdhërojë mbylljen e çdo biznesi me prani të madhe dhe të dendur punonjësish.

Këto janë hapa që shpëtojnë jetë dhe koha për të vepruar është tani”, ka thënë Basha.


Lajmi kryesor:

Koronavirusi/ Basha ngushëllon familjet e viktimave, thirrje qeverisë: Shpall gjendjen e jashtëzakonshme në të gjithë vendin (VIDEO)


  • Sondazhi i ditës:

    Grupimi Berishës koalicion me LSI për zgjedhjet e 6 marsit. Mendoni se ky vendim do u sjellë:



×

Lajmi i fundit

John

Papa Françesku paralajmëron mbi rrezikun e ‘infodemisë’