Koronavirusi, në Ballkan Greqia dhe Serbia konfirmojnë raste të reja të infektuar

Në Ballkan, Greqia dhe Serbia kanë konfirmuar raste reja të infektuar nga koronavirusi.

Mësohet se në Greqi janë konfirmuar 5 raste të reja, katër prej tyre janë nga kontakte me persona të prekur dhe një ka ardhur nga Londra.

Numri i të prekurve në total në Greqi është 89, ndërsa në gjendje më të rëndë se ditët e mëparshme është një 67 vjeçar që kurohet në spitalin e Rios.

Ndërkohë, Serbia ka konfirmuar dy raste të reja me koronavirus duke çuar numrin në total të infektuarve në 4.

Nga ora 18 e ditës së djeshme e deri më sot në ora 8 të mëngjesit janë testuar pesë mostra të gjakut, ku dy prej tyre kanë rezultuar pozitiv e tre tjera negative.

Rasti i parë me koronavirus në Serbi ishte konfirmuar në qytetin Subotica.

Lajmi kryesor:

Koronavirusi/ Sot në Itali 1 mijë të prekur më pak se dje! Shtohen të shëruarit, numri i viktimave shkon në 631, mbi 10 mijë të infektuar në total

TAG:
• itali
• Giuseppe Conte
• Kryeministri italian
• Koronavirus