Koronavirusi! Rama: Gëzim! Puna në fshat vijon, në mars 18% më shumë eksporte nga bujqësia

Kryeministri Edi Rama deklaron se pavarësisht situatës së jashtëzakonshme nga koronavirusi, sektori bujqësor nuk është prekur, madje eksportet në muajin mars kanë pasur një rritje  me 18% krahasuar me të njëjtin muaj një vit më parë.

"Shifra zyrtare dhe fakte nga puna në fshat. Edhe pse në një situatë të jashtëzakonshme aktiviteti në sektorin bujqësor vijon, madje sipas të dhënave zyrtare nga Drejtoria e Doganave, vetëm gjatë muajit mars 2020 kemi 18% më shumë eksporte të prodhimeve bujqësore krahasuar me marsin 2019. Edhe tre muajt e parë të këtij viti janë me rritje krahasuar me të njëjtën periudhë të vitit të shkuar. Askush nuk e parashikon dot se sa do të zgjasë lufta.

Deri tani, falë punës së admirueshme në fshat, ku edhe rreziku është i ulët dhe lejeve të punës për zinxhirin e aktivitetit prodhues, grumbullues e shpërndarës, konstatojmë me gëzim se qëndrueshmërinë e sektorit në tërësi - ndonëse ka një çekuilibrim të tregut për disa produkte të caktuara që mbetet një problem i krijuar nga lufta. Fermerët dhe blegtorët do të vijojnë punën normalisht, duke iu përshtatur me vetëdije e këmbëngulje, masat individuale mbrojtëse ndaj armikut" tha Rama.

d.ba./Shqiptarja.com
  • Sondazhi i ditës:

    A duhej të hiqeshin kufizimet në zonat e kuqe dhe të hapej edhe fundjava?

Komento


×

Lajmi i fundit

John

Covid-Franca u bën thirrje qytetarëve t'i kalojnë pushimet verore brenda vendit