Koronavirusi, SHBA vë në dispozicion dy çartera për evakuimin e amerikanëve të karantinuar në anijen e lundrimit "Princess Diamond"

Qeveria amerikane është duke u përgatitur të evakuojë të gjithë shtetasit amerikanë të gjendur në anijen e lundrimit "Princess Diamond", e cila aktualisht e ankoruar në Yokohama, të Japonisë duke shërbyer si një karantinë për mijëra persona.

E përditshmja amerikane, Wall Street Journal raporton se një zëdhënës i Divizionit të CDC-së për Gatishmërinë dhe Infeksionet e Reja, Henry Walke ka bërë me dije se: "Departamenti i Shtetit do të vërë në dispozicion dy charter-a për të tërhequr sërish pas në SHBA 380 amerikanë dhe familjet e tyre".

Avionët pritet të arrijnë të dielën. Kujtojmë se, më shumë se 3,700 pasagjerë dhe ekuipazhi kanë ngecur në anijen e lundrimit pasi dhjetëra njerëz u testuan pozitivë për koronavirusin e ri të Wuhanit në fillim të këtij muaji.

Lajmi kryesor:

Shkon në 1526 numri i viktimave nga koronavirusi, 67 mijë persona të infektuar/ Në Francë regjistrohet viktima e parë

TAG:
• Japoni
• karantinë
• Koronavirus
• Diamond Princess