Epidemia e koronavirusit në Kinë duket se ka arritur kulmin: numri i vdekjeve është ngadalësuar dhe ka qenë në nivelin më të ulët për tre javë. Sipas të dhënave 29 persona kanë humbur jetën nga COVID-19 në 24 orët e fundit. OBSH po ashtu raporton se, për herë të parë që nga përhapja e epidemisë, Kina ka nivelin më të ulët të të infektuarve, 433 në shkallë vendi përballë 459 jashtë saj.
Rastet:
Në Kinë: 78.497
Jashtë Kinës: 3.225
Gjithsej globale: 81,722
Vdekjet
Në Kinë: 2.744
Jashtë Kinës: 57
Gjithsej globale: 2,801
Nga 29 vdekje të reja të raportuara në Kinë, 26 ishin në provincën Hubei, epiqendra e shpërthimit. Dhe nga 433 rastet e reja, 409 ishin në Hubei.
Komisioni Kombëtar i Shëndetit në Kinë tha se gjithsej 32.495 pacientë janë shëruar dhe janë larguar nga spitali.
Vdekjet jashtë territorit të Kinës:
Irani: 19
Koreja e Jugut: 13
Itali: 12
Japoni: 7
Hong Kong dhe Francë: 2 secila
Filipinet dhe Tajvani: 1 secila
Situata nuk paraqitet tepër e mirë në Itali, ku virusi vdekjeprurës i Wuhanit ka infektuar deri tani 456 persona, 8 prej të cilëve fëmijë, ndërsa 12 persona te tjerë kanë humbur jetën. Viktima e fundit ishte një 69-vjeçar, i cili vuante nga probleme me rrugët e frymëmarrjes. Po ashtu, theksohet se edhe viktimat e tjera ishin gjithashtu të moshuar.
Arabia Saudite ka vendosur që të ndalojë përkohësisht pelegrinazhet fetare në Mekë dhe Medine, si një masë mbrojtëse ndaj koronavirusit duke qenë se rastet e regjistruara në vendet fqinje si Oman, Kuvajt dhe Bahrein ishin udhëtarë që kishin shkuar në Iran për vizita fetare. Ky vendim vjen më pak se 60 ditë para se të fillojë muaji i shenjtë mysliman i Ramazanit dhe në një kohë kur qeveria ka lehtësuar procedurat për vizat me qëllim që të kenë më shumë turistë.
Koronavirusi është përhapur me shpejtësi edhe në shtete të tjera të botër. Deri më tani, përveç Kinës, janë qindra të infektuar në Itali, e ndërsa ka pasur raste të konfirmuara edhe në Maqedoninë e Veriut dhe Greqinë. Sot janë regjistruar rastet e para pozitive në Danimarkë, Rumani dhe Norvegji.
Kjo është përhapja e koronavirusit në shtetet e botës
Itali - 456
Gjermani - 21
Angli - 13
Francë - 12
Austri - 2
Kroaci - 2
Spanjë - 2
Rusi - 2
Danimarkë - 1
Belgjikë - 1
Finlandë - 1
Suedi - 1
Zvicër - 1
Greqi - 1
Norvegji - 1
Gjeorgji - 1
Maqedoni e Veriut - 1
Rumani - 1
*Lista nga CNN
Autoritetet daneze kanë njoftuar rastin e parë të konfirmuar të koronavirusit. Është një burrë i cili ishte kthyer nga Italia me familjen e tij në 24 shkurt, i cili kishte kaluar disa ditë pushime në Lombardi. Gruaja dhe djali i tij rezultuan negativ. Ndërkohë edhe në Rumani është regjistruar pacienti "zero". Bëhet fjalë për një 20-vjeçar që punon kuzhinier në një restorant në pronësi të një italiani, por nuk është shumë e qartë se si ai është infektuar. 20-vjeçari do të mbahet në karantinë në shtëpin e tij së bashku me 7 anëtarët e familjes.
Pas shpërthimit të koronavirusit në Lindjen e Mesme, Arabia Saudite njoftoi sot se do të merrte masa parandaluese ndaj COVID-19 të cilat do të mund të ndikonin në ritualet dhe praktikat fetare.
Vendi po pezullon "hyrjen në ‘Mbretëri për qëllimin e Umrah’ dhe vizitat përkohësisht xhaminë e Profetit".
Turistët që vijnë nga vendet ku është përhapur koronavirusi "janë një rrezik" për këtë arsye do t'iu mohohet hyrja, thuhet në deklaratë.
Këto masa janë të përkohshme, dhe janë duke u zbatuar "për të parandaluar ardhjen e Coronavirus të ri (COVID-19) në Mbretëri", thuhet në deklaratë.
Frika nga koronavirusi nuk do të pengojë ngritjen e pishtarit të lojërave Olimpike, por do të zvogëloj përmasat e evenimentit.
Kështu është shprehur Drejtori i Përgjithshëm i komitetit organizator, Toshiro Muto, i cili ndër të tjera thekson se: “Nuk ka plane për të anuluar ngritjen e flakës Olimpike, pishtarin ikonik i së cilës do të përshkoi gjithë Japoninë për të arritur më pas në destinacionin përfundimtar të saj që është Tokio ku dhe do të zhvillohen Lojrat 2020”.
Stafeta për mbajtjen e pishtarit do të fillojë më 26 Mars ashtu sikurse ishte planifikuar.
Toshiro Muto, tha që komiteti ishte duke marrë masa për zhvillimin e evenimentit sportiv pa rritur rrezikun e infektimit të pjesmarrësve me koronavirus dhe se po merrej parasysh zvogëlimi i ngjarjeve dhe numrit të spektatorëve gjatë ngritjes së flakës.
Komiteti organizativ zhvilloi një provë për ngritjen e flakës më 20 shkurt, ndërkaq përgatitjet për Lojërat Olimpike po vazhdojnë ashtu siç ishte planifikuar.
Muzeu Olimpik i Japonisë, i cili është ndërtuar pranë Stadiumit Olimpik në Tokio, është mbyllur deri më 16 mars në pritje të udhëzimeve të reja nga qeveria për të parandaluar përhapjen e virusit.
Koreja e Jugut ka raportuar një tjetër vdekje nga koronavirusi,mëngjesin e kësaj të enjteje, duke e çuar në 13 numrin kombëtar të viktimave. Vdekja është një burrë 74-vjeçar që ishte anëtar i grupit fetar Shincheonji.
Shumë nga çështjet në mbarë vendin kanë qenë të lidhura me grupin fetar të Shincheonji në Daegu. Grupi thotë se ka dorëzuar listën e të gjithë pjesëmarrësve të saj autoriteteve shëndetësore të Koresë së Jugut.
Koreja e Jugut raportoi sot 334 raste të reja të të infektuarve, duke e çuar numrin kombëtar në 1.595 raste. Marrë parasysh edhe shkallën e të infektuarve në rritje dita ditës, autoritetet shëndetësore e kanë cilësuar vendin e Azisë Lindore si një rrezik potencial për shpërthimin e një tjetër vatre të koronavirusit.
Komente
Lajme të tjera
-
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03 -
U vra me thikë 2 ditë më parë, zbulohet identetiti i shqiptarit në Itali dhe 2 pistat e hetimit mbi ngjarjen
27 Nëntor, 18:48 -
Grupi i deputetëve italianë: Krah jush drejt BE-së! Përfshihuni në debatet brenda unionit
27 Nëntor, 17:40
-
Xhenova/ Nuk pranonte të ndahej, shqiptari dhunon barbarisht të dashurën italiane dhe i thyen hundën! Policia e arreston 35-vjeçarin
27 Nëntor, 16:26 -
Milano/ I dënuar me 2,5 vite burg për shfrytëzim prostitucioni, arrestohet 31-vjeçari shqiptar i kërkuar! Gjykata e lë në arrest shtëpiak
27 Nëntor, 16:05 -
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Kryeministri australian e pranon me krenari: Jam shqiptar, kam rrënjë arbëreshe (VIDEO)
26 Nëntor, 21:38 -
Goditen dy grupe ‘skifterësh’ në Padova dhe Modena, 4 shqiptarë të arrestuar! Akuzohen për të paktën 20 vjedhje në seri, dy kishin prerë bileta avioni për arratisje
26 Nëntor, 16:53 -
Jorida Tabaku takohet me delegacionin nga parlamenti Italian: Procesi i Integrimit s'do të thotë që do mbyllim sytë nga problemet reale
26 Nëntor, 16:30 -
Itali/ I droguar në timon rrezikoi jetën e agjentëve, arrestohet 35-vjeçari shqiptar! Rikthehet në burg që të vuajë dënimin e mbetur për vrasje
26 Nëntor, 16:08 -
Trump njofton tarifat tregtare, 25% për Kanadanë dhe Meksikën! 10% për Kinën, kryejnë tarfik droge në SHBA
26 Nëntor, 15:34
-
Itali/ Shqiptari vritet me thikë, plagoset i vëllai, në pranga 2 shtetas nga Maqedonia e Veriut
26 Nëntor, 11:06
Nëse jeni pronar i farmacisë dhe keni rritur çmimin e maskës pas konfirmimit të parë #CoronaVirus në Shqiperi nese ndodh, unë lutem që të vdesësh me këtë virus dhe të shkosh direkt në ferr.turp per depot dhe farmacit
Përgjigju