POP 5

Lajmet më të lexuara të 5 minutave të fundit

Bota

Korporata ‘Meta’ do ndërtojë linjën kabllore nënujore 40 mijë km të gjatë: Interneti do të jetë më i shpejtë

Korporata Meta e Mark Zuckerberg, e cila zotëron platformat më të mëdha sociale si Facebook, Instagram apo Whatsapp do të ndërtojë linjën kabllore më të gjatë në botë e cila do të shtrihet në brendësi të oqeaneve në një gjatësi prej 40 mijë kilometrash në 4 kontinente 

Meta planifikon të ndërtojë një sistem gjigant kabllosh me fibra optike nënujore në katër kontinente për të përmirësuar kapacitetin e tij të të dhënave dhe për të nxitur zhvillimin e inteligjencës artificiale në Indi.

Një projekt me shifra të frikshme: 40 mijë kilometra gjatësi, 10 miliardë dollar kosto totale, shpejtësi transmetimi të dhënash prej një mijë terabit në sekondë. Kjo infrastrukturë gjigante do të kishte formën e një "W" në hartën e botës. Ai do të fillonte nga bregu lindor i Shteteve të Bashkuara (midis Virxhinias dhe Karolinës së Jugut) dhe do të arrinte në Afrikën e Jugut.

Prej këtu do të nisej për në Indi dhe para se të mbërrinte në Kaliforni do të ndalonte në Australinë veriore. Kjo rrugë do të ishte projektuar për të shmangur të gjitha "pikat e nxehta" gjeopolitike dhe zonat e prirura nga konflikti: Deti i Kuq dhe Egjipti, Deti i Kinës Jugore, dhe Singapori.

Meta dëshiron t'i shmangë këto rreziqe pavarësisht se në mbarë botën ekziston një rrjet anijesh që riparojnë këto tuba, qoftë edhe me ndërhyrje në një thellësi mbi 6 kilometra. Infrastruktura kabllore sipas entin botëror që e administron njeh rreth 500 linja kabllore që transmetojnë kryesisht internetin, ndërsa linja më e gjatë e ndërtuar deri më sot është ajo që lidh SHBA dhe Europën me gjatësi 6600 kilometra.

Xh.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    2 Dhjetor, 20:45

    Jeni dakord që prokurorët e SPAK të kenë mundësinë për një mandat tjetër?

Lajme të tjera



×

Lajmi i fundit

'Gjysma e kandidatëve janë analfabetë', Dhuli: Problem jo listat e mbyllura, por parcelizimi i votës

'Gjysma e kandidatëve janë analfabetë', Dhuli: Problem jo listat e mbyllura, por parcelizimi i votës

4 Dhjetor, 21:52