TIRANE - Zbulohet një rast korrupsioni në Prokurorinë e Tiranës. Kamerat e sigurisë së institucionit dhe përgjimet telefonike ngrejnë dyshime se janë paguar 2 mijë euro te prokurori i Tiranës, Përparim Hasa përmes avokates Donada Lepenica, me qëllim ndryshimin e akuzës për një të pandehur.
Prokurori i Tiranës është pezulluar nga detyra me vendim të Gjykatës së Krimeve të Rënda, ndërsa është arrestuar avokatja. Paratë janë paguar nga një i pandehur i cili ka kërkuar ndryshimin e akuzës nga prokurori i çështjes.
Prej 4 ditësh, Krimet e Rënda kanë bllokuar serverin e kamerave të sigurisë së Prokurorisë së Tiranës. Pamjet filmike kanë fiksuar momentin kur avokatja futet në zyrën e prokurorit. Ndërsa nga përgjimet telefonike zbulohet se avokatja i drejtohet të pandehurit që ajo mbron se, "gjithçka e kam zgjidhur me prokurorin". Biseda me të akuzuarin është bërë pak çaste pas takimit të saj me prokurorin e Tiranës, Përparim Hasa, në zyrën e këtij të fundit.
Report Tv ka mësuar se prokurori ka mohuar akuzat ndaj tij, por burime nga Krimet e Rënda pohojnë se biseda telefonike e përgjuar e avokates me të pandehurin është bërë në të njëjtën ditë kur ajo ka takuar Hasën në zyrën e tij në Prokurorinë e Tiranës. Dhe prandaj ka dyshime të arsyeshme për mitmarrje të prokurorit në bashkëpunim me avokaten dhe dy sekserët e arrestuar gjithashtu Yzeir Bala, 32 vjeç, banues në Tiranë dhe Megi Naksi, 31 vjeçe, banuese në Tiranë.
Gjykata e Krimeve të Rënda do japë nesër (e premte) në orën 10:00 masën e sigurisë për avokaten e arrestuar, Donada Lepenica si dhe prokurorin e Tiranës, Përparim Hasa.
Njoftimi i Policisë për ngjarjen:
Tiranë
Finalizohet operacioni policor i koduar “Ndërmjetësi”. Operacioni nga Seksioni për Hetimin e Korrupsionit në bashkëpunim me Prokurorinë për Krimet e Rënda Tiranë. Ekzekutohen masat e sigurisë “Arrest me burg” për 3 shtetas.
Vepra penale në ngarkim të tyre “Korrupsioni aktiv i Gjyqtarit, Prokurorit dhe funksionarëve të tjerë të drejtësisë e kryer në bashkëpunim”, parashikuar nga neni 319/25 i Kodit Penal.
Specialistët për Hetimin e Korrupsionit në bashkëpunim me Prokurorinë e Krimeve të Rënda Tiranë në kuadër të operacionit policor të koduar “Ndërmjetësi”, bënë ekzekutimin e Vendimit Penal të Gjykatës së Shkallës së Parë për Krimet e Rënda, e cila ka caktuar masën e sigurimit “Arrest me burg”, për shtetasit :
- Donata Lepenica, 57 vjeçe banuese në Tiranë (avokate private në qytetin e Tiranës )
- Yzeir Bala, 32 vjeç, banues në Tiranë
- Megi Naksi, 31 vjeçe, banuese në Tiranë
Për shkak të hetimit nuk bëjmë me dije të dhëna të tjera. Policia e Tiranës nën drejtimin e Prokurorisë për Krimet e Rënda Tiranë vijon hetimet për identifikimin e personave të tjerë të përfshirë në këtë veprimtari kriminale.
Komente
Lajme të tjera
-
Pastruan 11 mln euro para krimi nga parajsat fiskale, 2 në pranga! Paratë transferoheshin në Shqipëri e pastaj në Kanada me kompani fiktive (EMRA + FOTO)
20 Dhjetor, 08:56 -
Tiranë/ Konfiskohen 7 vila në zonën e Mulletit, u ndërtuan me dokumente false, fajtorë 9 persona mes tyre 2 arkitektë
5 Dhjetor, 14:02 -
'Organizatë kriminale', skema mashtruese e mikrokredive dërgohet në SPAK
5 Dhjetor, 12:08
-
Shmangën 54 mln lekë taksa, Prokuroria e Tiranës çon në gjyq firmën ‘Benet Holding’ dhe administratoren
3 Dhjetor, 14:40 -
Krijuan skemë mashtrimi me call- center, Prokuroria Tiranë dërgon në gjyq izraelitin dhe 38 shqiptarë! Dëmi mbi 2 mln euro
30 Nëntor, 10:37
-
Gjirokastër/ Falsifikim dhe mashtrim, Prokuroria kërkon 6 vite burgim për ish-kreun e Kadastrës dhe nga 4 vite izolim për 2 bashkëpunëtorët e tij! Do përfitojnë gjykim të shkurtuar
19 Nëntor, 17:10 -
Operacion kundër kriptovalutave në Tiranë e Shkodër! Firmosen 20 urdhër-arreste për pastrim parash, 6 janë pronarë 'këmbimi valutor'! 18 të arrestuar, 2 në kërkim, sekuestrohen 750 mijë € (EMRAT)
18 Nëntor, 10:00 -
KPK konfirmon në detyrë si Prokurore e Tiranës motrën e Ermonela Felajt
8 Nëntor, 21:49 -
'Mikrokreditë' shkojnë në SPAK! Prokuroria e Tiranës dyshon se mashtrimi u krye nga një grup kriminal
2 Nëntor, 20:25 -
Pensionet/ Rama akuza të forta prokurorisë së Tiranës: Prej vitesh prokurorët mbulojnë me trupat e tyre dosje ulëritëse të evazionit fiskal
30 Tetor, 15:02
-
Prokuroria dërgon në gjyq të shumëkërkuarin Fatjon Murati: Nuk justifikon pasuritë, i vuri nga trafiku i drogës! Të fshehura në emër të nënës e vëllezërve
24 Tetor, 10:55 -
KPA rikonfirmon në detyrë prokuroren e Tiranës Suela Salavaçi
22 Tetor, 19:11
Prokurori u pezullua,pse nuk arrestohet avokatja qe eshte dhe seksere
Përgjigjuavokatja qe jep leket e te arrestuarit nxirret me emer e mbiemer dhe arrestohet, prokurori qe fut leket ne xhep vetem pezullohet dhe nuk del as emri jo po vetem iniciale. respekte drejtesia
Përgjigjukur ka korrupsion aktiv i bie qe ka dhe nje person qe ka konsumuar korrupsion pasiv...pra prokurori.Pse nuk eshte arrestuar?!!!
a lexon emrin Perparim hasa dhe me foto o shok
Emrin ja kane nxjerre por perse nuk e kane arrestuar se kuptoj? Ketu nuk ka avokate por vetem sekser dhe kjo per faj te gjykates qe e merr vendimin paraprakisht duke bere pazare te flliqura me prokuroret e koruptuar. Prokuroria e Tiranes duhet shkatruar megjithe themele. Funksionon si nje band e organizuar gjobevensish.