Kosovë, javë tropikale

Gjatë kësaj jave, qytetarët e Kosovës do të përballen me temperatura të larta, të cilat sipas meteorologëve cilësohen si tropikale.

Drejtori i Institutit Hidrometeorologjik të Kosovës, Sylë Tahirsylaj, ka bërë të ditur se periudha nga 21 deri më 27 gusht do të jetë shumë e nxehtë dhe me temperatura mbi vlerat normale, përkatësisht nga 32 deri në 36 gradë celsius.
Mjekët këshillojnë që gjatë këtyre ditëve të nxehta, të sëmurët kronikë, të moshuarit dhe fëmijët të mos dalin në kohën e pikut, nga ora 10 deri në orën 18 dhe njëherit u bëjnë thirrje të pijnë sa më shumë lëngje.

/rg/shqiptarja.com/