POP 5

Lajmet më të lexuara të 5 minutave të fundit

Kosova & Rajoni

Kosovë, prokuroria e Mitrovicës
lëshon urdhërarrest për Vulinin

Prokuroria në Mitrovicë, sot ka kërkuar lëshimin e urdhërarrest për ministrin e qeverinë e Serbisë, Aleksandar Vulin, i cili në mënyrë të paautorizuar ka kaluar kufirin e Kosovës.
PRISHTINË - Prokuroria Themelore në Mitrovicë, sot ka kërkuar nga Gjykata Themelore në Mitrovicë që ta lëshojë një urdhërarrest për ministrin pa protofol në Qeverinë e Serbisë, Aleksandar Vulin, i cili në mënyrë të paautorizuar ka kaluar kufirin e Republikës së Kosovës me Serbinë.
 
Gjithashtu është bërë me dije se Departamenti i Përgjithshëm i Prokurorisë Themelore në Mitrovicë, ka marrë sot aktvendim për fillimin e hetimeve kundër ministrit pa protofol në Qeverinë e Serbisë Aleksandar Vulin.
 
“Ky aktvendim është marrë për arsye se ekziston dyshimi i arsyeshëm se Aleksandar Vulin, më 17 tetor 2013, në kohën e pacaktuar, në mënyrë të paautorizuar ka kaluar kufirin e Republikës së Kosovës me Serbinë, jashtë vendkalimit kufitar të autorizuar dhe ka hyrë në territorin e Republikës së Kosovës. Me këtë ka kryer vepër penale, Kalimi i paautorizuar i vendkalimeve kufitare ose vijës kufitare nga neni 146 paragrafi 2 lidhur me paragrafin 1 të Kodit Penal të Republikës së Kosovës”, është thënë në njoftimin e Zyrës së Prokurorit të shtetit, shkruan RTK.
 
Sipas këtij aktvendimi, hetimet fillojnë nga dita e sotme, pasi ekziston dyshimi i bazuar se Vulin ka kryer vepër penale dhe me qëllim që në procedurën hetimore të mblidhen prova në bazë të së cilave, do të vendoset nëse do të ngritët aktakuzë apo hetimi do të pushojë.
 
Gjithashtu, Prokuroria Themelore në Mitrovicë, Departamenti i Përgjithshëm, ka kërkuar nga Gjykata Themelore në Mitrovicë që të lëshojë urdhërarrest ndaj të pandehurit Vulin.
 
Redaksia online
(ac/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52