Kosovë, targat e vjetra serbe
deri më 1 qesho

PRISHTINE – Deri më 1 qershor, serbët e Kosovës mund të qarkullojnë me targat e lëshuara nga Serbia, por pas kësaj date, çdo automjet me këto targa do të konfiskohet. Ministri i Punëve të Brendshme, Bajram Rexhepi tha për “Radio Kosovën” se nuk do të ketë shtyrje tjetër të afatit për targat serbe.
“Më 1 qershor përfundon afati dhe nuk ka shtyrje, mjetet do të qarkullojnë vetëm me target RKS ose KS. Mjetet që nuk kanë targa të reja , nuk do të lejohen të qarkullojnë nëpër Kosovë”.
Sekretari për Kosovën në Qeverinë e Serbisë, Oliver Ivanoviç tha se, “nuk është mirë të vihen afate të tilla”. Megjithatë, ai tha se nuk mund të komentojë shumë, duke pasur parasysh faktin se duhet të formohet fillimisht qeveria e re në Serbi.
Sidoqoftë, sipas kryeshefit të Agjecionit për Regjistrimin Civil, në kuadër të Ministrisë së Punëve të Brendshme, Blerim Camaj, është një numër i madh i serbëve që i kanë regjistruar automjetet me targat RKS dhe KS. Sipas tij, me targat KS janë pajisur 1359 serbë, ndërsa me RKS janë 4003.
Qeveria që nga viti i kaluar u ka dhënë serbëve të Kosovës disa afate për ndërrimin e tabelave, duke iu mundësuar që nëse nuk duan të kenë targa RKS, të pajisen me targa KS, por jo t’i mbajnë edhe më tutje targat e lëshuara nga Serbia. Afati i fundit i dhënë gjatë muajit mars, ishte 1 qershori, dhe sipas ministrit të Punëve të Brendshme, Bajram Rexhepi, nuk do të ketë afat tjetër.
(b.a/shqiptarja.com)