POP 5

Lajmet më të lexuara të 5 minutave të fundit

Kronikë

VIDEO/ Kosova i kishte dënuar me 2 vite burgim për prodhim e shitje droge, arrestohen për ekstradim 2 të kërkuarit nga Tirana

Policia e Shtetit njoftoi finalizimin e operacionit "Operacionalja 17", pas sinjalizimit nga homologët e Prishtinës. Të ndaluarit 59 dhe 51 vjeç, dënimi ishte dhënë më 19 Gusht të këtij viti

Tiranë- Kapen për qëllime ekstradimi drejtë Kosovës dy persona të shumëkërkuar për prodhim dhe shitje të lëndëve narkotike.

Policia e Shtetit konfirmoi sot (19 Shtator) finalizimin e operacionit të koduar “Operacionalja 17”.

Të arrestuarit janë A. B., 59 vjeç dhe Sh. S., 51 vjeç, të dy banues në Tiranë.

“Këta shtetas ishin shpallur në kërkim ndërkombëtar pasi Gjykata Themelore e Gjakovës, Kosovë, me vendimin e datës 19 Gusht 2024, i ka dënuar me 2 vjet burgim, për veprën penale "prodhimi dhe shitja e lëndëve narkotike", parashikuar nga Kodi Penal i Kosovës”, thuhet në njoftimin zyrtar.

Aksioni u zhvillua pas informacioneve të siguruara nga inteligjenca policore dhe të shkëmbyera me partnerët në Kosovë, në kuadër të planit të koduar “Para drejtësisë”.

“Po vijon bashkëpunimi ndërmjet Interpol Tiranës dhe autoriteteve ligjzbatuese kosovare, për t’i ekstraduar këta shtetas”, sqaron policia.

Teksa do priten edhe masat e sigurisë nga Gjykata e Tiranës, për t’i hapur rrugë zyrtarisht procesit.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

VIDEO/ 'Mangalem's Shade', magjia e dritave në lagjen muzeale të Beratit

VIDEO/ 'Mangalem's Shade', magjia e dritave në lagjen muzeale të Beratit

25 Dhjetor, 09:03 nga Mimoza Sinanaj