Në këtë forum Kosova përfaqësohet nga kryeministri Hashim Thaçi, i cili do të ketë edhe adresim zyrtar në punimet e këtij forumi. Ky forum synon të nxisë nivelin e lartë të dialogut mes liderëve nga sektori privat dhe publik për çështjet e zhvillimeve të ardhshme në Evropë. Shefi i ekzekutivit pritet të zhvillojë takime me përfaqësues shtetesh, të pranishëm në punimet e forumit strategjik të Bledit.
Ndërkohë, në takimin që kryeministri Hashim Thaçi ka zhvilluar me homologun e tij slloven, Janez Jansha, është rikonfirmuar përkrahja e shtetit slloven për proceset integruese të Kosovës dhe zhvillimin ekonomik. Në këtë takim përveç tjerash është diskutuar edhe për thellimin e marrëdhënieve mes dy shteteve.
/rg/shqiptarja.com/