Kosova zbarkon në Shkodër, lojtarët
do vishen nga firma e njohur spanjolle

Ekipi përfaqësues i Kosovës ka zhvilluar seancën e parë stërvitore në Shkodër para ndeshjes me Kroacinë që do të luhet nesër në orën 20:45 në stadiumin ‘Loro Borici’.
 
Në prag të ndeshjes trajneri Albert Bunjaku shprehet se do të jetë një moment i veçantë, pasi ndeshja e parë zyrtare që luajnë si pritës do të zhvillohet në Shqipëri.
 
“Ekipi është i ri dhe nga dita në ditë po formohet. Ndeshja me Kroacinë do të jetë e vecantë, ditë me ndjeja për të gjithë.
 
Ndeshja e parë që luajmë si vendas ndaj shtetit mik luhet në Shqipëri” deklaroi ai.
 
Gjithashtu gjatë ditës së sotme Federata e Futbollit të Kosovës dhe kompania spanjolle e veshmbathjeve ‘Kelme’ kanë nënshkruar kontratë katër vjeçare.
 
Presidenti i FFK, Fadil Vokrri pas firmosjes së marrëveshjes deklaroi se ‘Kjo kompani ka qenë sponsor i Real Madridit dhe disa skuadrave të mëdha.
 
Edhe pse Spanja nuk e la njohur Kosovën, kësaj kompanie nuk i ka interesuar”deklaroi ai.



dy.b/shqiptarja.com