Vijon të përkeqësohet situata epidemiologjike në Kosovë pavarësisht masave kufizuese, të ndërmarra në vend.
Gjatë 24 orëve të fundit janë shënuar 21 viktima nga COVID-19, 12 prej viktimave janë burra dhe 9 gra. Mes viktimave janë edhe një grua dhe djali i saj.
Edhe një 28-vjeçare shtatzënë ka ndërruar jetë nga COVID në Kosovë. Bëhet fjalë për Liberta Selacin, me profesion grimere, nga Vushtria. 2 ditë më parë ka humbur betejën me COVID edhe një 36 vjeçare. Ajo ndërroi jetë 1 dite që solli në jetë vajzën e saj dhe nuk kishte marrë asnjë dozë vaksine.
Bazuar në infografikën e MSH’së, një prej viktimave i takon grupmoshës 20-29 vjeç, një viktimë tjetër i grupmoshës 30-39, një i grupmoshës 40-49, pesë viktima janë të grupmoshës 50-59 vjeç, tre viktima të grupmoshës 60-69 vjeç dhe shtatë viktima janë të moshës 70-79 dhe tre viktima janë të moshës mbi 80-vjeçare.
Ndërsa janë konfirmuar edhe 1278 raste të reja. Nga nisja e fushatës së vaksinimit në të gjitha qytetet e Kosovës janë dhënë 901.013 doza .
Aktualisht janë në total 26.534 raste aktive, ndërkohë autoritetet inkurajojnë qytetarët t’u drejtohen qendrave shëndetësore me qëllim marrjen e vaksinës anti-COVID.
Një tjetër e re shtatzënë ka humbur betejën me COVID në Kosovë. Një 36 vjeçare vdiq pas 1 dite që solli në jetë vajzën e saj. Ajo solli në jetë fëmijën më 1 shtator, ndërsa vdiq më 2 shtator. Sipas bashkëshortit të viktimës, Jeton Nimani nga Banja e Pejës së Istogut, gruaja e tij Vera Shotanaj u infektua me virus në një aheng familjar, e cila nuk ishte e vaksinuar me asnjë dozë të vetme. Derisa i njëjti thotë se është penduar shumë që nuk është imunizuar bashkëshortja e tij, raportojnë mediet kosovare. Fatmirësisht foshnja ka shpëtuar dhe është mirë.
Nënë e bir nga Kosova kanë humbur betejën me Covid. Lajmin e ka bërë të ditur, kryetari i Rahovecit Smajl Latifi, i cili i ka shprehur ngushëllimet familjes Ahmeti.
“Me pikëllim mora lajmin për ndarjen nga jeta të më të dashurve tuaj, Avniut dhe zonjës Zehra. Në këtë moment dhimbjeje e pikëllimi për ndarjen nga jeta të familjarëve tuaj, ju lutem pranoni ngushëllimet e mia më të sinqerta! Bashkëndjejmë me ju!”, ka shkruar ai në Facebook.
Një 28-vjeçare shtatzënë ka ndërruar jetë nga COVID në Kosovë. Bëhet fjalë për Liberta Selacin, me profesion grimere, nga Vushtria. Lajmin e trishtë e kanë bërë me dije vet familjarët në një postim në rrjetet sociale, ku shkruajnë se ajo luftoi shumë, por nuk ia doli.
‘Te nderuar dashamire, shoqeri e familjare. Liberta na la, mbreme vone ia dorzoi shpirtin Krijuesit fuqiplote bashke me beben, qe e kishte ne barkun e saj e qe e donte aq shume. Liberta, me e mira prej nesh, luftoi shume, por nuk ia doli. Shpirtin na e keputi, duke na lene nje varre te hapur per tere jeten ne loçken e zemres sone.
Liberta, per shpetimin e te ciles u lut i tere qyteti, e tere shoqeria e familja jone, do te mbetet kujtimi me i mire e me i dashur ne jetet tona.Pusho e qete me bebushin tend, e neve na prit atje, ne Xhenetet e Allahut! Varrimi behet ne varrezat e fshatit Banjske me Dreke ne ora 13:00 ne rreth te ngushte familjar e shoqeror. Te pame nuk do te kete, pasiqe duhet respektuar vendimi per masat anti Covid-19. Me dhimbje te thelle, Familja Selaci dhe Hasani.’- shkruajnë familjarët.
Ndërkohë në Kosovë, vijojnë që të raportohen shifra të larta të infeksioneve dhe viktimave si pasojë e COVID. Një ditë më parë u regjistruan 26 viktima dhe 1.448 raste të reja me koronavirus.
Komente
Lajme të tjera
-
Mali i Zi dhe Shqipëria përpara, të tjerët mbeten të bllokuar
16 Dhjetor, 08:39
-
Kualifikueset e Botërorit 2026, Rraklli për Report TV: S'e doja këtë short, Sylvinho të bëjë ndryshime! Leci: Serbia mendjen për telashe, Kosova e ka vështirë
14 Dhjetor, 16:00 -
Demush Shasha: Testi i vitit 2025
12 Dhjetor, 08:54
-
Bislimi akuzon Serbinë se po tenton të ndalë ndihmën e Kosovës për bujqit shqiptarë në Luginën e Preshevës
10 Dhjetor, 21:16 -
Sveçla: Pjesëtarë të Listës Serbe janë të përfshirë në trazira të vazhdueshme në veri
10 Dhjetor, 16:31 -
Këshillit të BE-së i kërkohet që ta shqyrtojë aplikimin e Kosovës për anëtarësim
10 Dhjetor, 16:11 -
Zyrtare/ UEFA i dha fitoren në tavolinë Rumanisë, FFK ankohet në CAS për racizmin e Bukureshtit: Kosova kërkon të drejtën që meriton
5 Dhjetor, 11:40 -
'Problemet me Kosovën' mediat serbe: BE refuzon hapjen e kapitullit të tretë të negociatave me Beogradin
4 Dhjetor, 16:16 -
Kryediplomatja e re e BE-së: Të ulen realisht tensionet ekzistuese Kosovë - Serbi
4 Dhjetor, 16:03 -
Kërkesat për azil në Europë nga shtetasit nga Shqipëria dhe Kosova mbeten të larta
4 Dhjetor, 15:20 -
Renditja e re në FIFA/ Kombëtarja në vendnumëro, mbetet e 65-ta në botë! Kosova shkruan historinë, ndodhet e 99-ta
28 Nëntor, 14:06 -
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21
Vdekjet dhe shtriraj e perditshem e infektimeve te Virusit Korona,Papraajmerimi per hapjen e spit aleve fushore,mund te jene parajmerim i nje tragjedie deri ne Vdekje masive.qe mund te ndodh nje tragjedi e shekujve ne keto hapesira njerezore.
Përgjigju