Qarqet e gazetarëve në Kosovë dhe jo vetëm, janë solidarizuar me gazetarin Vehbi Kajtazi, në makinën e të cilit pak ditë më pare, u gjet një pajisje gjurmuese.
Sipas mediave në Kosovë, Kajtazi, i cili është drejtor i medias online “Paparaci”, ka marrë vesh se po përndiqej kur gjatë kontrollimit të makinës së tij në shërbim makinash është zbuluar pajisja e gjurmimit.
Sipas rrëfimit të tij, në fillim nuk ka qenë e qartë se çfarë ishte objekti i instaluar fshehurazi në makinë por policia e Kosovës ka konfirmuar se kanë të bëjnë me një GPS me numër serie.
Sipas gazetarit Kajtazi, kjo pajisje gjurmimi është prodhim britanik me SIM kartë dhe internet.
Në reagimin e tij publik pas ngjarjes, Kajtazi pretendon se “ka shprehur shqetësime të vazhdueshme për përndjekje nga pushteti”.
“Unë tashmë nuk ndjehem i sigurt, ndonëse nuk ua kam frikën. Po konfirmohet se nuk ka siguri juridike më. Mbase as fizike”, shkroi ai.
Qendra Evropiane për Lirinë e Shtypit dhe Medias tha se është alarmuar për rastin “vetëm disa ditë pasi ai dhe gazetarët e tjerë ngritën shqetësime serioze për ndjekjen nga pjesëtarë të Agjencisë së Zbulimit të Kosovës”.
“Ne i bëjmë thirrje policisë dhe prokurorisë së Kosovës që të kryejnë një hetim efektiv, të pavarur dhe profesional për të siguruar që personat përgjegjës për spiunimin e gazetarëve të identifikohen dhe të sillen para drejtësisë”, thuhet në reagimin e Qendra Evropiane për Lirinë e Shtypit dhe Medias.
Gjithashtu, Asociacioni i Gazetarëve të Kosovës bëri thirrje që autoritetet të hetojnë në mënyrë shteruese rastin dhe të zbardhin sa më shpejt rrethanat e kësaj ngjarjeje.
Lajme të tjera
-
Shpërthimi në Zubin-Potok, Agim Nesho: Akt terrorist! Pjesë e strategjisë për të rikthyer dominimin serb në rajon! Tensionet mund të rriten, Kosova të ketë kujdes
3 Dhjetor, 19:37 -
Shefja e diplomacisë së BE takon Kurtin e Vuçiç: Anëtarësimi në union arrihet vetëm duke zbatuar Marrëveshjen e Ohrit! Kryeministri i Kosovës: Serbia të dorëzojë Radoiçiç! Presidenti serb: Më kërkuan të sanksionoj Rusinë
3 Dhjetor, 17:53 -
Vuçiç bisedon me O’Brien për 'përshkallëzimin e situatës' në Kosovë
3 Dhjetor, 17:31 -
Kurti: I kërkova shefes së diplomacisë së BE që Serbia të na dorëzojë Radoiçiçin
3 Dhjetor, 17:24 -
Sulmi në veri të Kosovës, Vuçiç: Nëse shpërthimi është kryer nga shtetas serb, do të arrestohen në sekondë
3 Dhjetor, 16:54 -
Shpërthimi në Zubin Potok, 1 muaj paraburgim për Jovan Viqentijeviç
3 Dhjetor, 16:53 -
Letra e Thaçit për FSK-në në veri, "ende e vlefshme"
3 Dhjetor, 11:31
-
Shpërthimi në Zubin-Potok/ Kikia: Serbia po përdor armët e fundit! Etjen Xhafaj: Gara e armatimit nuk është zgjidhje! Çollaku: Harrojeni se Beogradi do njohë Kosovën
2 Dhjetor, 22:24 -
Eurodeputeti austriak kërkon hetim ndërkombëtar për sulmin në Zubin Potok në Kosovë
2 Dhjetor, 22:15 -
Shpërthimi në Zubin-Potok/ Ministri Sveçla në '5 Pyetjet': Serbia mbështet dy organizatat terroriste! Bashkëpunim nëse dorëzojnë Radoiçiç! Do shpalosim skenarin e tyre
2 Dhjetor, 21:22 -
Ministrja e Jashtme e Kosovës Gërvalla: Serbia e ka portofolin në Bruksel e zemrën në Moskë
2 Dhjetor, 19:25 -
Kryeprokurori i Beogradit: Së shpejti do të vendoset lidhur me aktakuzën kundër Radoiçiç
2 Dhjetor, 18:14
