Temë e bisedës në këtë takim ishte thellimi e bashkëpunimi i ndërsjellë mes dy vendeve.
Kryeministri u shpreh se është i rëndësishëm konsolidimi ndërkombëtar i Kosovës dhe përkrahja në procesin e shtimit të njohjeve të reja, anëtarësimit në organizatat ndërkombëtare, në OKB, NATO dhe BE.
“Dialogu me Serbinë është i paalternativë, duke vlerësuar se dialogu duhet të ristrukturohet dhe të afatizohet, të përmbushen të gjitha marrëveshjet e arritura dhe të përmbyllet me rezultat konkret"- u shpreh Haradinaj.
Kreu i Qeverisë theksoi se puna në përmbushjen e Marrëveshjes së Stabilizim Asociimit, marrëdhënies kontraktuale me BE-në do të intensifikohet dhe do të përshpejtohen afatet e përmbushjes së obligimeve me qëllim të arritjes së statusit të kandidatit për anëtarësim në BE.
Ambasadori Austriak i garantoi mbështetjen e Austrisë ndaj Kosovës dhe e përgëzoi liderin e AAK-së për detyrën.
Redaksia Online
A.Dr/Shqiptarja.com