/ATSH/.-Ministrat nga komuniteti serb në qeverinë e Kosovës urojnë besimtarët, të cilët festojnë Krishtlindjet sipas kalendarit Julian.

"Dëshiroj që Festat e Krishtlindjeve të sjellin gëzim dhe forcë në vazhdimin e besimit, dashuri, tolerancë dhe mirëkuptim të ndërsjelltë", shprehet ministri për Komunitete dhe Kthim, Aleksandar Jablanoviç.

Minsitri kosovar uroi për festën e Krishtlindjeve Peshkopin e Rashkës dhe Prizrenit, Teodosije, dhe të gjithë besimtarëve ortodoksë .

"Të gjithë besimtarëve, të cilët e festojnë sipas kalendarit Julijan ditën e lindjes së Krishtit, gëzuar ditën e Krishtlijndjes, me dëshirë që kjo festë e madhe ortodokse të kaloj në paqe, harmoni dhe dashuri, të rrethuar nga më të dashurit e tyre, me përshëndetjen e Krishtlindjeve: Paqja e Perëndisë, Krishti u lind", shprehet ministri i Administrimit të Pushtetit Lokal, Ljubomir Maric.