Report Tv ka siguruar videot nga kamerat e sigurisë të dy dyqaneve në kryeqytet, të cilat janë sulmuar nga protestuesit e maskuar.

Në një prej tyre, ata kanë plaçkitur parfume, ndërsa në tjetrin veshjet. Të maskuarit shihen teksa dynden brenda bizneseve dhe rrëmbejnë ç’të munden.

Kujtojmë që gjatë 5 ditëve protesta të dhunshme, një sërë biznesesh e bankash kanë qenë pre të protestuesve, të cilët kanë shkaktuar dëme të shumta e shkatërrime.