POP 5

Lajmet më të lexuara të 5 minutave të fundit

Ekonomi

Kosto e lartë e jetesës, rriten me kreditë konsumatore u morën më pak kredi për shtëpi

Çmimet e larta që kanë përfshirë vendin prej dy vitesh, po shtyjnë qytetarët drejt rritjes së kërkesës për kredi konsumatore. Sipas bankës së Shqipërisë kredia për konsum është rritur me 10%, dhe është përqendruar më shumë tek huaja në lekë për shkak të interesave më të ulëta se në euro.

Kosto e lartë e jetesës, rriten me kreditë konsumatore u morën më pak kredi për shtëpi

Foto nga Tirana

Kostot e shtuara të jetesës, të ndikuara prej çmimeve të larta që vijojnë prej dy vitesh, po rrisin kërkesën e qytetarëve për kredi konsumatore. Në një raport për tendencat e kreditimit, Banka e Shqipërisë thotë se në tremujorin e tretë të këtij viti, ka pasur ngadalësim të kërkesës për kredi hipotekore dhe përshpejtim të kredisë për konsum.

Gjatë këtij tremujori kredia për konsum është rritur me 10%, e cila është 2% më e lartë se gjashtëmujori i parë i vitit. Kërkesa për kredi për konsum është rritur pavarësisht se normat e interesit kanë qëndruar pothuajse në të njëjtin nivel me periudhën janar-qershor. Konkretisht për muajit korrik-shtator interesat e kredisë konsumatore ishin 9.3% nga 9.4% që ishte në muajit e parë.

Ndërsa kredia hipotekore që merret më shumë për blerje shtëpie gjatë këtij tremujori u rrit me 13.5%, ose 3% më pak se në gjashtëmujorin e parë të vitit.

“Pavarësisht konkurrencës së lartë mes bankave dhe lehtësimit të vazhdueshëm të kushteve në këtë segment, kërkesa e individëve është ngadalësuar në pasqyrim të rritjes së kostos së kredisë për banesa dhe shtrëngimit të buxhetit familjar nga çmimet e larta të jetesës”, thuhet në raport.

Interesat e kredisë për blerje banese ka zbritur në 4% nga 4.3% që ishte në gjashtëmujorin e parë të vitit. Ashtu si bizneset, edhe qytetarët e kanë orientuar kërkesën e tyre për kredi drejt monedhës vendase. Shkaku kryesore i kësaj zhvendosje thotë Banka e Shqipërisë janë normat më të ulëta të interesit të kredisë në lekë krahasuar me atë në euro.

B.V/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…

Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…

25 Dhjetor, 20:56 nga Dashnor Kaloçi