Tregtia e mallrave vijon të tkurret nga muaji në muaj. Sipas raportit të fundit të INSTAT, eksportet në 10 muaj kapën vlerën e 370 mld lekë, duke u ulur me -8,6 % krahasuar me një vit më parë kur u eksportuan 404.4 miliardë lekë. Ulja e eksporteve është me 34.6 miliardë lekë ose 338 mln euro.
Ndërkohë importet e mallrave arritën vlerën 728 mld lekë, duke u ulur me -6,4 % krahasuar me 2022, kur importet ishin 778.4 miliardë lekë, pra tkurrja është 50.1 ose rreth 490 mln euro. Për periudhën janar-tetor deficiti tregtar arriti vlerën 358 mld lekë, me ulje -4,2 %, krahasuar me 2022.
Shkaqet kryesore për rënien e euros mbeten zhvlerësimi i euros, por njëkohësisht edhe ulja e çmimeve në tregjet e huaja në krahasim me vitin e kaluar, ku përshembull energjia ishte disa herë më shtrenjtë këtë vit, dhe po ashtu edhe karburantet. Ulja e çmimeve në tregun e huaj impakton edhe eksportuesit tanë, pasi produktet ua shesin shteteve të huaja më lirë se vjet.
Sipas të dhënave të INSTAT në 10 muaj ndikimi negativ në rënien e eksporteve është dhënë nga “Materiale ndërtimi dhe metale” me -6,4 pikë përqindje, “Minerale, lëndë djegëse, energji elektrike” me -1,2 pikë përqindje, “Tekstile dhe këpucë” me -1,2 pikë përqindje, etj. Ndërsa pozitivisht kanë ndikuar grupet: “Ushqime, pije, duhan” me +1,3 pikë përqindje dhe “Makineri, pajisje dhe pjesë këmbimi” me +0,3 pikë përqindje.
Kurse tek negativisht në uljen vjetore të importeve, janë: “Minerale, lëndë djegëse, energji elektrike” me -6,3 pikë përqindje, “Materiale ndërtimi dhe metale” me -1,6 pikë përqindje, “Tekstile dhe këpucë” me -0,7 pikë përqindje, etj. Ndërsa pozitivisht ka ndikuar grupi: “Makineri, pajisje dhe pjesë këmbimi” me +3,3 pikë përqindje.
Tetori ‘fundosi’ eksportet e fasonerive
Në muajin tetor rënia më e madhe e eksporteve është regjistruar tek industria fason me 3.6% krahasuar me tetorin e vitit 2022, ndjekur nga grupi i makinerive dhe pjesëve të këmbimit si dhe prodhimeve të drurit që u ulën me nga 0.8%.
Kurse rritje eksporti ka pasur energjia për shkak të kushteve të reshjeve që u shënuan në tetor, ku u shit energji. Rritje eksporti në muajin e kaluar është regjistruar edhe tek grupi i materialeve të ndërtimit +0,5 pikë përqindje dhe “Produkte kimike dhe plastike” me +0,4 pikë përqindje.
Ndërsa sa i takon importit në muajin tetor, edhe ai ka qenë në rënie, ku përsëri goditja më e madhe është dhënë nga energjia elektrike me -8.6% për shkak se vjet në këtë periudhë u importua më shumë energji në vlerë prej çmimeve për megavat që ishin shumë të larta. Grupi i dytë që ka ulur importet është “Tekstile dhe këpucë” me -1,4 pikë përqindje, duke dëshmuar për një reduktim të kontratave. Më pas në rënie janë edhe importet e “Prodhimit të drurit dhe letrës” me -0,5 pikë përqindje, etj.
Ndërsa pozitivisht kanë ndikuar grupet: “Ushqime, pije, duhan” me +1,3 pikë përqindje, “Materiale ndërtimi dhe metale” me +1,1 pikë përqindje, “Makineri, pajisje dhe pjesë këmbimi” me +1,0 pikë përqindje, etj.
Italia, Kina, Turqia dhe Greqia partnerët kryesorë
Gjatë këtij dhjetëmujori vendet me të cilët Shqipëria ka pasur ulje më të madhe të eksporteve, në krahasim me një vit më parë, janë: Italia (9,4 %), Gjermania (30,7 %), Spanja (6,2 %), etj. Ndërsa vendet me të cilin eksportet kanë pasur rritjen më të madhe, është: Kosova (12,1 %), Greqia (15,5 %), Maqedonia (3,4 %), etj.
Gjatë këtij dhjetëmujori, vendet me të cilët Shqipëria ka pasur uljen më të madhe të importeve, në krahasim me një vit më parë, janë: Italia (4,0 %), Turqia (25,3 %), Greqia (25,2 %), etj. Ndërsa vendet me të cilat importet kanë pasur rritjen më të madhe janë: Kina (26,0 %), Gjermania (5,0 %), SHBA (28,9 %), etj.
Shkëmbimet tregtare, për dhjetëmujorin e parë 2023, me vendet e BE-së zënë 58,4 % të gjithë tregtisë. Në periudhën Janar – Tetor 2023, eksportet drejt vendeve të BE-së zënë 72,8 % të eksporteve gjithsej dhe importet nga vendet e BE-së zënë 51,1 % të importeve gjithsej. Partnerët kryesorë tregtarë janë: Italia (29,5 %), Kina (7,8 %), Turqia (6,8 %) dhe Greqia (6,6 %).
Komente
Lajme të tjera
-
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Manifaktura 230 mln euro humbje prej zhvlerësimit të kursit, BSH: Ky sektor duhet të ndryshojë modelin e biznesit
15 Nëntor, 10:21 -
Inflacioni ‘ngec’ në 1.9% aq sa ishte dhe në shtator, por shtrenjtimi i ushqimeve nuk ndalon! Çmimet e zarzavateve edhe më të kripura sesa vjet
8 Nëntor, 16:53
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18 -
ANALIZA e shifrave mbi nëndeklarimin/ Informaliteti në paga, një pjesë në dorë e tjetrën në bankë ‘krim ekonomik’ në kurriz të punonjësve
24 Tetor, 16:47
-
Sa të vjetra janë ndërtesat ku jetojnë shqiptarët? Dominojnë banesat e 1981-2000
20 Tetor, 07:45 -
Zhvlerësimi i valutave godet prodhimin vendas, në 9 muaj eksportet u ulën 47 mld lekë! ‘Made in Albania’ vlejnë më pak se vjet
18 Tetor, 21:06
-
Tregu i apartamenteve/ Të etur për prona, bum shitjesh të pasurive të paluajtshme! INSTAT: Në 6 muaj u shitën prona me vlerë 58 mld lekë
13 Tetor, 17:34
-
Elbasan/ Punonjës të paregjistruar dhe mosdeklarim të ardhurash në Tatime, nën hetim administratorja e fasonerisë
9 Tetor, 16:42 -
Shqiptarët shpenzojnë 40% të të ardhurave për ushqime, produktet e mishit ‘zbrazin’ portofolin! Kukësi e Dibra qarqet më të varfër
4 Tetor, 12:08
-
Ekonomia u rrit me 4.06% në tremujorin e dytë! Ndërtimi ‘mundi’ turizmin, ngecin shitjet e pasurive të paluajtshme
1 Tetor, 13:00
-
Kriza e euros/ Fasoneria 'nuk ngre kokë', afro 150 mln euro më pak eksporte
30 Shtator, 15:35
Ind.ushqimore eshte investimi me i mire,se njeriu nuk jeton dot pa ushqim,per veshje e gjera te tjera,behet si behet.Kur ra pandemia,ketu tek ne vetem supermarketet dhe farmacite ishin te hapura.Restorantet e klubet u lejuan me vone gradualisht te hapeshin por ne fillim vetem /take out/.Kurse cdo dyqan tjeter jo ushqimor u mbyll me muaj te tere.Ky artikull e keto te dhena ne te, duhet te jete nje mesazh i qarte per shqipot qe duan te investojne-investoni ne ind.ushqimore.
Përgjigju