KPK konfirmoi në detyrë prokurorën e Vlorës Elona Alvora, Komisioneri Publik ankimon vendimin: Hetimi nuk është bërë i plotë

KPK konfirmoi në detyrë prokurorën e Vlorës Elona Alvora, Komisioneri Publik ankimon vendimin: Hetimi nuk është bërë i plotë

Elona Alvora

Komisioneri Publik ka ankimuar vendimin e KPK për konfirmimin në detyrë të prokurores së Prokurorisë së Vlorës, Elona Alvora. Në njoftim thuhet se nga shqyrtimi i vendimit të Komisionit të Pavarur të Kualifikimit dhe akteve shoqëruese të tij, Komisioneri Publik konstaton se procesi i hetimit i kryer nga Komisioni nuk ka qenë i plotë e për rrjedhojë, në gjendjen që janë aktet, nuk mund të konkludohet se subjekti i rivlerësimit është në kushtet për konfirmim në detyrë.

Nëpërmjet këtij ankimi, Komisioneri Publik synon hetim të mëtejshëm të kriterit të aftësive profesionale të subjektit të rivlerësimit, pasi thotë se përfundimet e Komisionit për këtë kriter kontrolli nuk gjejnë mbështetje të plotë në aktet dhe provat e administruara. Komisioneri Publik kërkon që shkaqet e ankimit të merren në shqyrtim nga ana e Kolegjit të Posaçëm të Apelimit dhe, në përfundim të një hetimi të plotë, të vendosë në mënyrë alternative: ndryshimin e vendimit nr. 538, të dhënë më datë 6 korrik, të Komisionit të Pavarur të Kualifikimit, ose lënien në fuqi të këtij vendimi.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet miratuar rezoluta anti-korrupsion e propozuar nga PS?



×

Lajmi i fundit

Takimi i dytë me diasporën/ Pas suksesit në Athinë, Rama do të pritet nesër nga shqiptarët e Italisë në Milano

Takimi i dytë me diasporën/ Pas suksesit në Athinë, Rama do të pritet nesër nga shqiptarët e Italisë në Milano