KPK konfirmon në detyrë prokuroren e Tiranës, Alma Felaj! Kunata e deputetes socialiste Ermonela Felaj

TIRANË- Komisioni i Pavarur i Kualifikimit ka konfirmuar në detyrë prokuroren e Tiranës Alma Felaj, kunata e deputetes socialiste Ermonela Felaj. Trupa e KPK-së udhëhiqej nga komisionerja Alma Faskaj, me relator Olsi Komici dhe anëtar Etleda Çiftja. Procesi i rivlerësimit për Felajn është bërë për të tre kriteret e vettingut, përfshirë kontrollin e pasurisë, integritetin e figurës dhe profesionalizmin.

Pas konfirmimit në detyrë, vendimi i arsyetuar me shkrim, do t’i dërgohet subjektit të rivlerësimit, Komisionerit Publik dhe vëzhguesve ndërkombëtarë brenda 30 ditëve.

Alma Felaj përfundoi studimet në Shkollën e Magjistraturës në vitin 2006 dhe u emërua prokurore në Prokurorinë e Fierit. Në vitin 2011, Felaj u transferua në Prokurorinë e Durrësit dhe në maj të vitit 2023 u transferua në mënyrë të diskutueshme nga Këshilli i Lartë i Prokurorisë në Prokurorinë e Tiranës.

Alma Felaj është kunata e deputetes së Partisë Socialiste, Ermonela Felaj. Deputetja e mazhorancës ka edhe tre të afërm në tjerë në Prokurorinë e Tiranës, bashkëshortin dhe motrën si prokurorë dhe vëllai i saj si oficer i policisë gjyqësore.

Ermonela Felaj kohët e fundit është vënë në ‘shënjestër’ të opozitës, të cilët e akuzojnë se familjarët e saj kanë ‘pushtuar’ pushtuar prokurorinë e Tiranës. Jo më larg se dje, kreu i grupit të PD-së Gazment Bardhi hodhi akuza ndaj Felajt, duke thënë se bashkëshorti i saj ka marrë ryshfet 1.5 mln euro nga katër biznese.

SI.E./Shqiptarja.com

TAG:
• ERMONELA FELAJ
• Vetting
• KPK
• alma felaj