POP 5

Lajmet më të lexuara të 5 minutave të fundit

Politikë

Zgjedhjet e 25 prillit/ KQZ çon për ndjekje penale 67 numërues që dyshohet se shkelën ligjin! Lista e kandidatëve për deputetë që iu shtuan dhe iu hoqën vota

Komisioni Qendror i Zgjedhjeve ka çuar për ndjekje penale 67 numërues të cilët shkelën ligjin në zgjedhjet e 25 prillit, duke shtuar ose hequr vota preferenciale për kandidatët. Numri më i madh i numëruesve në shkelje, u konstatuan në qarkun e Tiranës.

Komisioni Qendror i Zgjedhjeve ka çuar për ndjekje penale 67 numërues të zgjedhjeve parlamentare të 25 prillit, emrat e të cilëve do të referohen në organin e prokurorisë. Numëruesit u kanë hequr apo shtuar vota preferenciale kandidatëve për deputetë në zgjedhjet e përgjithshme parlamentare. Numrin më të madh të numëruesve që janë kapur me shkelje, e ka qarku i Tiranës, ku rezultojnë se 25 numërues kanë kryer shkelje, përkatësisht në 7 qendra numërimi. Kryekominioneri Celibashi tha se në dorën e organeve hetimore do të lihen edhe rastet ku dyshohet për votim të dyfishtë.

‘Të gjitha shkeljet që i kemi vlerësuar si shkelje penale, kanë të bëjnë me diferenca në fletët e votimit, apo në rezultatin e votimit për kandidatin, jo për partinë. Kundër këtij vendimi mund të bëhet ankimim brenda 30 ditëve’- tha kreu i KQZ-së Celibashi.

Siç shihet në listën e publikuar nga KQZ, për diferencën e votave, ka rezultuar se deputetit Zef Hila i janë shtuar 101 vota. Ndërsa Rigerta Lokut, i janë hequr 24 vota. Shkeljet lidhur me tjetërsimin e votave të kandidatëve dhe votim të dyfishtë u zbuluan gjatë procesit të rinumërimit të 10% të kutive të votimit, ku deputetët e PD Zef Hila dhe Lefter Gështenja rezultuan se morën numrin më të lartë të votave të padrejta.

Rinumërimi i votave për zgjedhjet parlamentare të 25 prillit, u zbulua se ka pasur vjedhje nga partitë e mëdha, duke ua hequr partive të tjera. Nga hapja e kutive rezultoi se subjekti që ka vjedhur më shumë vota ishte pikërisht Partia Demokratike, e cila megjithatë i humbi zgjedhjet, pasi numëruesit i kishin shtuar 60 vota Partisë Demokratike, e cila si për ironi ka ngritur një komision hetimor për të hetuar abuzimet e pretenduara në zgjedhjet e 25 prillit 2021. 

Pas PD-së vinte Partia Socialiste, të cilës numëruesit i kishin shtuar 43 vota në mënyrë të padrejtë, duke ua hequr partive të tjera. E treta renditej Partia Socialdemokrate, e cila nga hapja e kutive rezulton se ka marrë 9 vota më shumë. Lëvizja Socialiste për Integrim, partia më problematike sa i takon blerjes dhe tjetërsimit të votës, renditej e katërta, ku u kishte marrë 7 vota partive të tjera. Partia Lëvizja Demokratike Shqiptare ka marrë 2 vota tepër, ndërsa Aleanca Demokracia e re një votë. Nga ana tjetër, i janë hequr 4 vota Partisë Bindja Demokratike, dy vota Nismës Thurje, dy vota koalicionit ABEOK dhe një votë Lëvizje për Ndryshim. Ky rezultat është prodhuar nga rinumërimi i votave në 235 qendra votimi. Numri total i qendrave të votimit është 5,199. Rinumërimi i pjesshëm tregon edhe një herë se partitë e mëdha vijojnë të marrin votat e partive të vogla. 

KQZ sugjeron implementimin e sistemit të identifikimit elektronik në një shkallë më të gjerë në proceset e ardhshme të votimit, pasi rastet e dyshuara për kryqëzim të dhënave për sa i përket identitetit të të dhënave të votuesve, janë minimale.

‘Pas procesit te konsolidimit te te dhënave, ABIS filloi procesimin e te dhënave duke kryqëzuar çdo identitet kundrejt 1,602,741 votuesve te identifikuar gjate ditës se zgjedhjeve te date 25 Prill 2021. Pas procesimit ABIS prodhoi rastet e cilësuara nga sistemi si te dyshimta nga te cilat 1006 u konfirmuan nga stafi i trajnuar i KQZ prej kompanisë kontraktuese si te qenësishme. Në përfundim të procesit të këqyrjes duke marrë në konsideratë gjetjet minimale te rasteve te dyshuara nga procesi i kryqëzimit, sugjerojmë implementimin e sistemit te Identifikimit Elektronik në një shkallë më të gjerë në proceset e ardhshme të votimit.’- thuhet në raportin e KQZ.


 

Miratim raport nga pajisja PEI

Miratim Raport Verifikimi paszgjedhor

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Noli: 03/12/2021 14:26

    Duket se jane pasaktësi gjate numerimit dhe jo tjetërsim vote pasi nuk ka asnje ndryshim në renditje të kandidatëve.

    Përgjigju
  • UKU MOMLIT: 03/12/2021 13:46

    Komunistet e Pd@Ps e dine mire jo vetem zanatin e vjedhjes votes,por edhe tere poshtersite morale dhe jane kthyer ne kriminele,te korruptuar dhe antihumane. Ky popull eshte i denuar per te vuajtur nga bijt e vet. E keqja e shqiptarit eshte vete shqiptari.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29