POP 5

Lajmet më të lexuara të 5 minutave të fundit

Arkiva

KQZ raport për SEV, shqetësim QV

Nuk kanë munguar as mbledhjen e djeshme debatet në KQZ, ku ndryshimi i disa qendrave të votimit në Durrës sollën dhe qëndrimin e përfaqësuesve ligjor të PD se do të ngrinin padi ndaj kryetarit të bashkisë. Ndërkohë që lidhur me verifikimin elektronik KQZ ka përgatitur edhe një raport.
TIRANE - Komisioni Qendror i Zgjedhjeve ka përgatirur një raport për testimin elektronik lidhur me verifikimin e mjeteve të identifikimit të votuesve në Qarkun e Tiranës, i cili pas testimit konstatoi se kishte një sërë problemesh lidhur për verifikimin me vonesë të një votimi të dyfishtë nga i njëjti mjet identifikimi.

Ndërkohë që vetëm pak ditë më parë PS dhe PD kanë dërguar në KQZ nga një kërkesë drejtuar kompanisë INDRA që ka fituar të drejtën e tenderit të pajisjes elektronike. Gjithashtu mbedhjen e djeshme vijuan ankesat e PD për ndryshimin e Qendrave të Votimit në disa njësi vendore.

Pas kryekomunarit të Kalasë së Dodës edhe kryebashkiaku i Durrësit Vangjush Dako rrezikon një kallëzim penal për shkak të zgjedhjeve. Sipas demokratëve, Dako u ka ndryshuar në mënyrë arbitrare qendrat e votimit rreth 8000 mijë zgjedhësve, duke u rrezikuar kështu votën.

Pas ankesës së PD së Durrësit, KQZ vendosi të kthejë në vendodhjet e mëparshme 4 prej qendrave të votimit në zonën e Kënetës,duke rrëzuar vendimin e Dakos. Por sipas socialistëve, Komisioni Qendror vijon sulmin ndaj këtij subjekti.

Qendrat e votimit në ambiente private u ndryshuan dhe në Elbasan dhe në Shkodër. Një tjetër shqetësim që u ngrit nga përfaqësuesi ligjor i PS ishte dhe fakti i mungesës së një manuali lidhur me trajnimin e pjesëmarrësve në këtë projekt.

“Në këtë moment komisionerët po trajnohen në KQZ, por mungon manuali, i cili duhet t`i trajnojë këta komisionerë lidhur me SEV. Kjo është në rrezik pasi vetëm pak ditë na ndajnë nga zgjedhjet”, ngriti si shqetësim Gjonçaj.

Anëtarët e KQZ si dhe përfaqësuesit ligjor u përfshinë në debate edhe lidhur me reklamën që vijon të transmetohet ende atë të Fondit të Zhvillimit shqiptar, i cili është kërkuar që të hiqet si reklamë në periuudhën e fushatës pasi është në favor të qeverisë.

Pas qëndrimit të tyre, përfaqësuesit ligjor të PS janë larguar nga mbledhja, ç`ka bëri që anëtarët e KQZ të dëgjonin vetëm raportin e BMM.

Shkrimi u botua sot në gazetën Shqiptarja.com (print) 15.06.2013
 
Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03